STORIES for CHILDREN by Sister Farida

(www.wol-children.net)

Search in "Aymara":

Home -- Aymara -- Perform a PLAY -- 158 (Reward for M. 3)

Previous Piece -- Next Piece

DRAMAS -- perform them for other children!
Plays for children to perform

158. Mä uñacht’äwi Mardoqueotaqui 3


Ester reinajj wali corajenïnwa. Jan jawsatänwa Persia rey nayrakatarojj uñstatayna. Ucampejj jacañapampiw saräna. Marcapa, judionacaru, khespiyañatquiw uc luräna.

Asuero reyejj konoñapan kont’atäscanwa. Jutir uñjataynawa. Sumaquiw cetrop loktatayna – jacañap perdonataynawa, uc sañ munäna. Wali catokatänwa jupajja.

Rey: “Reina Ester, ¿cunats acar jut-ta? ¿Cuns münta?”

Ester: “Nayan reyijja, mankañaruw jawst’sma Aman jupampiru, iyawsitay.”

Rey: “Siervo, ratuqui, Amanar thaktam. Reinaw invitapjjetu.”

Esterajj jach’a suma mankampiw suyäna.

Rey: “Reina Ester, ¿cunas munastam? Take yänacajjanjja chicatcamay churirisma.”

Ester: “Kharürujj wastat Aman jupamp chict’ata jutaquimay. Ucatwa cuns müntjja uc säma.”

Phiru Amanajj wali c’uchiw utapar sarjjäna uqhamarac jach’anac parläna:

Amán: “Nayajj jach’a munañan ministrötwa. Nayajj reina Esterampiw reyïmp chict’ata mank’tjja. Nayaquïtwa. Uqhamarac kharürujj invitataraquïtwa. Mayaquiw nayar wal ñankhachitu: Uca Mardoqueo judiyojj janipiniw nayrakatajjänjj alt’asquiti.”

Esposa: “¿Cunats uqhamac uñchucta? ¡Uca judior jaychcatam!”

Esterajj janiw uñjcänti cujams Amanajj mä lazo jaychcatañjja awqui uywasiripataquejj waquichäna. 25 metro altönwa. Ucampis Diosajj uñjänwa. ¡Jupaw take cun apnake! Ucatwa Asuero reyijja janiw uca arumajj icthapcänti.

Rey: “Siervo, janiw iquiñjamäquiti. Libro historianac apanim. Ullart’arapita cunas aca qhepanacan pasi.”

Cunjams Mardoqueojj catjatayna pä oficialanacac reyir jiwayañataquejj ucajj libron kellkt’atäscänwa.

Rey: “¿Cuns Mardoqueojj uc luratapat catoke?”

Siervo: “Janiw cunsa.”

Amanajj albataw palacior purinitayna. Mardoqueor jaychcatañataquiw permïs apsur jutatayna.

Rey: “Amán, ¿cunjams reyejj maynirujj jach’añchaspa wali yuspagarasïwinjja?”

Amanajj juparuw reyijj agradeciñ munpacha uc amuyäna.

Amán: “Reyïn isipampiw ist’ayañäspa uqhamarac mä coronani. Ucasti caballor lat’jjatataw takpach ciudadaruw sarañapäspa uqhamarac mä oficialaw nayrakatapan archuquiñapäspa? Aqhamaw jakerojj lurasi qhitirutejj reyijja jach’anchan muni ucaru.”

Rey: “¡Amán, uc Mardoqueomp jichhpach luram!”

Amanajj papeljamaw jank tucu…

Jutirinwa cunamps Bibliajj sasqui uc arcañäni.


Uñstirinaca: Pariliri, rey, Ester, Amán, esposa, siervo

© Copyright: CEF Germany

www.WoL-Children.net

Page last modified on February 27, 2019, at 09:27 AM | powered by PmWiki (pmwiki-2.2.109)