STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 157 (Esther risks her life 2)

This page in: -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- German -- Greek -- Guarani -- Hebrew? -- Hindi -- Indonesian -- Italian -- Korean -- Kyrgyz -- Malayalam? -- PLATT (LOW GERMAN) -- Portuguese -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swiss German? -- Tamil -- Turkish -- Urdu? -- Uzbek

Previous Piece -- Next Piece

DRAMAS -- perform them for other children!
Plays for children to perform

157. Esther sat äa Läwen opp Spell 2


Haman wia een onveschämda Maun un sea stolt. Dee groota Perserkjennich haud am toom tweeden Maun im Rikj utjewält. Aula schmeeten sich ver am doll un veieden am. Bloos eena nich: Mardochai. De Fläavoda von de Kjennijin Ester. Hee deed sich nich ver däm veneijen. Haman wia sea wuttich äwa am.

Haman: "Du best onjehursam! Wuarom deist du nich ver mie dollfaulen?"

Mardochai: "Wiels ekj een Jud sie un mie bloos ver Gott veneijen doo."

Haman: "Daut woascht du to späaren kjrieen!"

Haman wia deep beleidicht. In en sienem Hoaten woss een diewlischa Plon.

Haman: "Ekj woa am ombrinjen. Un nich bloos am auleen, oba aule Juden, dee in dee 127 Provinzen in Persien wonen. Ekj woa dee gaunz aufschaufen."

Un dan muak Haman de Juden schlajcht biem Kjennich un met väl Jelt kjrieech hee däm Kjennich opp siene Sied. Nu durf hee doonen waut hee wull.

Opp dee schwinste Pieed schejd Haman Botschafta met toone Breew no jieda Staut. Aulawäajend leet hee eenen schrakjlichen Befäl utroopen.

Botschafta: "Befäl vom Kjennich. Aum 13.12. sellen aule Juden, Mana, Frues un Kjinja dootjemoakt. Lot kjeenem aum Läwen! Schauft aulen auf, un nämt aules met waut see haben!"

Dis Befäl deed sea väl Angst un Schrakj vebreeden. De Juden trocken Truakjleeda aun. See hielden un schräjen to Gott.

Mardochai schejd eene drinjende Bedd no däm Paulaust. Wiels nu kun bloos noch siene Fläadochta, de Kjennijin Ester, halpen.

Mardochai: "Ester, du motst nom Kjennich! Bedd am, daut hee ons aum Läwen lat."

Ester: "Daut jeit nich. Kjeena doaf nich nom Kjennich, wan hee nich jeroopt woat. Wan ekj dan doch go, dan mott ekj vleicht stoawen."

Mardochai: "Sie nich stell! Vleicht best du doawäajens Kjennijin jeworden, doamet wie jerat woaren."

Ester: "Bät fa mie. Ekj well gonen. Kom ekj om, dan kom ekj om!"

Soo aus Ester, soo haft uk Jesus sien Läwen fa ons enjesat. Hee wia reed toom stoawen, doamet wie jerat kunen woaren un eewjet Läwen haben.

Ester trock äa schmokstet Kjleet aun. Äa Hoat klopad sea aus see nom Troonsol jinj. De Kjennich sach ar komen. Woat hee däa wellkom heeten, ooda...

Daut vetal ekj die biem näachsten Spell toom horchen.


Persoonen: Eena waut vetalen deit, Haman, Mordechai, Ester, Botschafta

Copyright: CEF Germany

www.WoL-Children.net

Page last modified on May 27, 2020, at 11:04 AM | powered by PmWiki (pmwiki-2.2.140)