STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 124 (The best counselor 1)

Previous Piece -- Next Piece

DRAMAS -- perform them for other children!
Plays for children to perform

124. Sumaj yuyaychaj 1


Uj llajtapi waj kamachejta jap’eqanankupaj maytapuni wakichikusqanku, tukuytaj yachasqanku chay llajtaman pichus chayanantaqa. (música)

Banderasta sayachisqanku, manchay sumaj mikhunataj mikhunankupaj kasqa, Josafatqa manchayta jap’eqasqanku, payqa rey Judámanta kasqa, payllataj risqa. ¿Yuyasharqachu chay llajtaman mana allin yuyaywa mink’arisqankuta? Rey Acabqa imatachus niyta munasqanta cheqanta nisqapacha:

Acab: "Rey Josafat, Ramot llajtaqa manaña makiypichu. Chaytaj phiñachiwan, ¿yanapawankimanchu wajmanta jap’ikapunaypaj?"

Josafat: "Imarayku manarí, maqanakoj soldadosniyqa chaypaj kashanku, jinapis... ¿manachu ñawpajta Diosmanta yuyaychayninta mañakusunman? Noqa Paypa nisqallanta imatapis ruwayta munani."

Imatapis ruwanapaj Diospa yanapayninta mask’ayqa may walejpuni. Rey Josafatpa nisqanmanta yachaqakuna kachun, yuyani chaypuni pakasqa ima jina kasqanta chay rey sumajta kawakunampajqa. Tukuynejpi tukuy may jatunchaywan qhawasqanku Josafattaqa, tiyapusqataj mama qochapi t’iyu jinapuni maqanakupaj soldadosninqa. Nimayqen paywan jap’inakojkunaqa maqanakuman sayaykojchu kasqanku, tukuymanta waqeykunallata manchayta jap’ej kasqa.

Josafat-ta yuyaychajninqa Diospuni karqa. Imallatapis ruwayta qallarinampaj ñawpajta Diostarajpuni tapukoj kasqa. Rey Acabrí ujinataj karqa, chay Diosta tapurina nisqanqa mana chhikampis allinchu rijch’asqa. Chayqa wanwampis kanmampuni kawsaqesniykikunawanqa, Diosta kasuna kasqanta nejtiykeqa. Wakinkutipi imachus may uyarisqa kasqanqa manapuni chaykamachu, rey Acabwan kasqan jinaqa.

Acab: "¿Diosta tapunipunichu kanmanrí? Jinapis kashun. Kamachis, wajyamuychej profetasta." (pasos)

Acab: "Ramot llajtata waykhaykusunmanchu, ¿manachu?"

Profeta: "¡Waykhaykuychej! atipankichej."

Chaywan rey Acabqa kusisqa kasharqa, rey Josafat-taj mana. Payqa Diospa parlasqanta rejsisqa, chantapis yachasqa, chay uyarisqanqa mana Diospa parlasqanchu kasqa. Chay 400 runakunaqa llullas kasqanku, Acabpa favornillanta parlasqanku, imaraykuchus t’inkachisqa kananku kasqa chay ruwasqankumantaqa.

Josafat: "¿Kaypi manachu waj profeta tiyan tapurinanchejpajqa?"

Acab: "Ujwan tiyan, chaytaqa chejnini, mana allin kajllatapuni sut’inchawan."

Josafat: "Chayta wajyachimuy."

Micaías sutiyoj jamusqa, uj cheqa Diosmanta sut’inchaj, maynimpi jina chansarikuytapis yachasqa.

Acab: "Micaías, ¿Ramot llajtata waykhaykusqaykuchu?"

Micaías: "Sichus waykhaykunkichej chay, imaraykutaj atipanki."

Acab: (enfureciéndose) "Cheqata ninayki tiyan, ¿imatataj Dios ninrí?"

¿Cheqamanta imatachus Dios nisqanta uyariyta munankipunichu? Ichachus uyarillayta munarqa, nitaj kasojchu kasqa. Micaíasqa serio churakusqa.

Micaías: "Diosqa rikuchiwan manaraj imapi soldadosniykeqa mana michejniuyoj ovejas jina kanqanku. Rey Acab ejércituykeqa mana qanllawan kutinqanku."

Acab: (furioso) "¿Uyarinkichejchu? Wañunaytaña nishan. ¡Kunitanpacha carcelman wisq’aykuychej! nispa imanarqokuyta mana atisqachu."

Qhepampi astawan yachallasumpuni.


Personajes: Relator, Josafat, Acab, Micaías, "profeta"

© Copyright: CEF Germany

www.WoL-Children.net

Page last modified on April 27, 2021, at 01:19 PM | powered by PmWiki (pmwiki-2.2.140)