STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 124 (The best counselor 1)

This page in: -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- German -- Greek -- Guarani -- Hebrew? -- Hindi -- Indonesian -- Italian -- Korean -- Kyrgyz -- Malayalam? -- PLATT (LOW GERMAN) -- Portuguese -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swiss German? -- Tamil -- Turkish -- Urdu? -- Uzbek

Previous Piece -- Next Piece

DRAMAS -- perform them for other children!
Plays for children to perform

124. Dee basta Beroda 1


Doa wort groossoatikj reedjemoakt wiels in de Staut wullen fa däm Kjennich grootsche Jast von eenem aundren Launt komen. (Musikj) De Flagen worden nohecht jetroken un sea scheenet Äten wort rundjedroacht. De Bejreesung fa Kjennich Josafat waut ut däm Sieden von Israel kaum, wia eenmolich. Aus hee waut Onen kun, daut hinja dise Enlodung Hinjajedanken wieren? Kjennich Ahab kaum dan uk boolt opp sien wichtkjit Teema to räden.

Ahab: "Kjennich Josafat, Ramoth es nich mea in miene Henj. Daut oajat mie. Kaunst du mie halpen, doamet ekj dise Staut trijkjrie?"

Osafat: "Oba sejcha. Opp mien Militäa kaunst du die veloten. Oba, sull wie nich ieschtmol Gott om Rot froagen? Ekj mucht bloos doonen waut hee well."

Entscheidunjen met Gott moaken, daut es sea goot. Nem die däm Kjennich Josafat toom Väabilt. Ekj sie mie sejcha, daut wia sien Jeheemnis, un doawäajens haud hee uk sea goot rikj jeworden. Josafat wia aulawäajent beleeft. Hee haud Millione Soldoten. Kjeena woagd sich daut, am auntojriepen. Von väl Städen kjrieech hee Jeschenkja. Josafat sien Beroda wia Gott. In aule Entscheidunjen fruach hee am om Rot. Kjennich Ahab wia gaunz aundasch. Am gleicht dis Väaschlak nich.

Daut kaun die bie diene Grup Frind uk pasieren, wan du väaschlonen deist, opp Gott to horchen. Daut Baste woat mieschtens nich fa wichtich aunjeseenen, soo aus biem Kjennich Ahab.

Ahab: "Mott daut senen? Najo. Deena roopt de Profeeten!" (Schräd)

Ahab: "Sell wie de Staut Ramoth aunjriepen ooda nich?"

Profeet: "Jriep mo aun! Du woascht bestemt jewenen."

Kjennich Ahab wia tofräd. Kjennich Josafat nich. Hee kjand Gott siene Stemm, un dit wia de nich. Dise 400 Mana wieren Liejna, dee fa Ahab schmok räden deeden. Wiels see doafäa betolt kjrieen.

Josafat: "Jeft daut hia noch eenen Profeet däm wie froagen kunen?"

Ahab: "Eenen jeft daut noch. Oba däm hauss ekj. Ema deit hee mie Onjlekj veropp sajen."

Josafat: "Lot am komen."

Micha kaum. Daut wia een ajchta Deena Gottes, dee uk maunchet mol Sposs moaken deed.

Ahab: "Micha, sell wie Ramoth aunjriepen?"

Micha: "Jojo. Du woascht aul jewenen jäajen de Fiend."

Ahab (woat doll): "Du saust de Woarheit sajen. Waut haft Gott die jesajcht?"

Wull hee werklich Gott sienen Rot hieren? Hieren vleicht aul jo, oba nich doonen. Micha wort iernst.

Micha: "Gott haft mie jewäsen, daut diene Soldoten boolt aus Schop one Hoad sent. Kjennich Ahab, diene Soldoten woaren one die trijkomen."

Ahab (Bosich): "Hand jie jehieet? Hee sprajt hia mien Doodesuadeel. Nom Jefenkjnis met am. Nu fuatz!"

Im näachsten Spell toom horchen jeit daut wieda. Best du wada doabie?


Persoonen: Eena waut vetalen deit, Josafat, Ahab, Micha, Profeet

Copyright: CEF Germany

www.WoL-Children.net

Page last modified on April 30, 2020, at 07:54 AM | powered by PmWiki (pmwiki-2.2.140)