STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 107 (Lame excuses)

Previous Piece -- Next Piece

DRAMAS -- perform them for other children!
Plays for children to perform

107. Librokunamanta aswan sumaj libro


Omarqa maypichus askha askha p’anqakuna biblioteca kashan chaypi juk’uchamanta rejsisqa kasqa, imaraykuchus ima p’aqatapis jap’ispa chayrayku chinkaykuchej kasqa á, mana mana mikhuspachu manachay, imata jina ñawirij kasqa yachanampaj imamantachus parlasqanta. Jinapis uj p’anqa mana chhika sonqota ñawirinampaj aysasqachu.

Omar: "Diosmanta qhelqasqa Bibliaqa mana noqa ñawirinaypaj p’anqachu."

Amigo: "¿Imarayku mana ñawiriwajchurí?"

Omar: "Askha imakuna chaypi kajmanta mana entiendenichu noqaqa."

Amigo: "Ni á, chayta ninki mana ñawirinaykiraykulla. Wakin imakunata sumajtapuni entiendenkeqa."

Dirk: "¿Imasta á?"

Amigo: "Ama suwankichu."

¡Uju! chay nisqaqa flecha jina sonqonman chayasqa Omarmanqa. Pukayarispa t’iju chaymanta llojsimusqao.

¿Qan entiendenkiñachu? Bibliaqa tukuy p’anqakunamanta p’anqamin.

(Lo siguiente leen niños y niñas alternándose)

Kay pachapi impresorata ruwaytawanqa, ñawpajta Bibliata imprimisqanku.
Bibliaqa 1600 parlaykunaman tijrasqa kasqa.
Aswan juch’uy Bibliaqa impremisqa kasqa Inglaterra suyupi, chayqa fósdoro cajitamanta tumpitawan jatitun kasqa.

Kay pachantimpi aswan jatun Bibliaqa maderamanta 550 kilogramos pesasqa Bibliaqa wakinchejqapi chejnisqa, wakinpajqa sumaj munasqa.

Bibliata qhelqaqa Diospuni. 40 runakuna jina qhelqasqanku Dios imatachus nisqantaqa.
Pichus Biblia ñawirispa imatachus nisqasnimpi creejqa, mosoj runaman tukun.
Nimayqen p’anqa chay jinatapuni runaj kawsayninta tijrayta atinmanchu.
Bibliapi qhelqasqa kashan uj 3 millones jina letraspuni. Sichus tawa capítulosta sapa p’unchay ñawiriwan chayqa, uj watapi tukuyninta ñawiryta tukunki.
Uj runaqa Inglaterra suyupi 100 vecestapuni ñawirisqa.

Tarillasqankutaj uj Bibliata baleaspa uj ladomanta uj ladoman pasarpachisqanta uj cristianoj wasimpi. ¿Yuyasqanku chayqa jucha kasqanta?, ¿pitaj chay jinata Diospa nisqasninta apaykachanmanrí? T’ukunapaj, chayta rikojqa kawsaqenqa manchharisqa jina qhawasqa.

Hombre: "Kusikuna chay Bibliamanta, imaraykuchus kawsaynita salvawan. Soldado karqani chanta guerrapi tinkoj rispa, enemigowan tinkuypi kayman jaqayman lat’aspa rinayku karqa, jinallapi kaymanta jina uj golpeta pechoypi riparakorqani, t’ojsisqa jinataj nanariwarqa. ¿Imataj kasqa? Enemigokuna disparaspa uj balata chayachimuwasqanku. Bibliatarí bolsilloypi apaykachakojpuni kani, balaqa Biblia chamusqa, uj ladoman pasapataj ujchhikallanta noqata jap’iwasqa. Sichus mana Biblia kanmanchu karqa chay, chay disparasqanku balaqa corazónniyman chayaspa wañuchiwanman karqa. Bibliay salvawan kawsayniytaqa, iskay kutikama. Ñawpajpeqa Jesúcristolla juchamanta salvayta atiwasqanta nisqanqa karqa. Iskay kajpitaj chay wañuchej balata sayarpachisqan."

Sapa p’unchay Bibliata ñawirini. ¿Qamrí? Uj Bibliata munanki chayqa, qhelqarimuwankiman.

Bibliaqa nin: "Nisqasniykiqa k’achay ñanniypaj." (Salmo 119:105)

Chay k’anchayqa cheqa ñanta rikuchisunki, mana chinkayman rinaykipaj, aswampis Diosman chayanaykipaj.


Personajes: Relator, Omar, amigo de Omar, niño, niña

© Copyright: CEF Germany

www.WoL-Children.net

Page last modified on April 21, 2021, at 04:22 PM | powered by PmWiki (pmwiki-2.2.140)