Home -- Punjabi -- Perform a PLAY -- 107 (Lame excuses)
!ڈرامے- ایناں نُوں اپنے بیلیاں لئی ادا کرو
بچیاں دے ادا کرن لئی ڈرامے
701. کمزور بہانہ
دِرک کتابی کیڑا اے۔ مارک ٹوین، سی۔ایس لیویس، اوہ اینہاں ساریاں دیاں کتاباں بڑے شوق نال پڑھدا اے۔ پر اک ایسی کتاب اے جنہوں پڑھ کے اوہنوں مزہ نئیں آوندا۔
دِرک: ”بائبل میرے واسطے نئیں۔“
کُڑی: ”کیوں نئیں؟“
دِرک: ”ایہدے وچ بڑا کجھ ایسا اے جیہڑا مینوں سمجھ نئیں آوندا۔“
کُڑی: ”ایہہ تے بڑا سستی والا بہانہ اے۔ مینوں پتہ اے تینوں کجھ تے سمجھ آوندی ہووے گی۔“
دِرک: ”مثال دے طور تے کیہ؟“
کُڑی: ”جس طرح پئی تینوں چوری نئیں کرنی چاہی دی۔“
واہ! ایہہ گل دِرک نوں تیِر وانگ لگی۔ اوہدا مُنہ لال ہو گیا تے اوہ چھیتی نال دور ٹُر گیا۔
کیہ تساں کدی سُنیا اے پئی بائبل اک ایسی کتاب اے جہدے وچ ہور وی کتاباں ہے نے؟
دِرک: ”چھاپہ خانہ ایجاد ہون توں بعد ساریاں نالوں پہلاں بائبل نوں چھاپیا گیا سی۔“
کُڑی: ”بائبل دا ۰۰۶۱ نالوں بہتیاں زباناں وچ ترجمہ ہو چکیا اے۔“
دِرک: ”ساریاں نالوں نِکی بائبل انگلستان وچ چھاپی گئی سی تے ایہہ بس اک ماچس دی ڈبی جِنی وڈی سی۔“
کُڑی: ”دُنیا دی ساریاں نالوں وڈی بائبل لکڑ نال بنائی گئی سی تے ایہدا بھار ۰۰۰۴۲ پاﺅنڈ اے۔“
دِرک: ”بائبل ساریاں نالوں بہتی پسند کیتی جان والی کتاب اے، پر بہت لوک ایہدے نال نفرت وی کردے نے۔“
کُڑی: ”بائبل دا لکھاری خدا اے، تے تقریباً ۰۴ لوکاں نے ایہنوں لکھیا جو جو خدا نے اوہناں نوں آکھیا۔“
دِرک: ”جیہڑا وی بائبل نوں پڑھدا اے تے خدا دے کلام اُتے یقین کردا اے اوہ اک نواں بندہ بن جاوے گا۔ تے کوئی وی کتاب کسے بندے نوں ایس طرح بدل نئیں سکدی۔“
کُڑی: ”بائبل وچ تقریباً ۰۳ لکھ لفظ نے۔ جے تُسی دن وچ ۴ باب پڑھو تے تُسی اک سال وچ پوری بائبل پڑھ سکدے او۔“
دِرک: ”انگلستان وچ اک بندہ ۰۰۱ واری بائبل نوں پڑھ چُکیا اے!“
اک بندے نوں آپنے بیلی دی بائبل مل جہدے وچ گولیاں دے نشان سن۔ اوہنے سوچیا ایہہ تے بُری تے غلط گل اے۔ کون اینی بُری طرح خدا دے کلام نوں رکھدا اے؟ اوہ حیران سی۔
اوہدے بیلی نوں سمجھ لگ گئی پئی اوہ کیہ سوچدا پیا اے۔
بندہ: ”میری بائبل جہدے وچ گولیاں دے نشان لگے نے ایہدے بارے وچ مینوں خوشی اے۔ جنگ وچ، میَں اک فوجی ساں تے پہلے جتھے وچ لڑدا پیا ساں۔ اسی ریڑھ کے اک خندق توں دوجی خندق تیک جاندے ساں۔ اچانک مینوں آپنے سینے اُتے دبا محسوس ہویا تے بڑی پیڑ۔ ہویا کیہ سی؟ دشمن نے میرے اُتے نشانہ لایا تے میرے اُتے گولی چلا دِتی۔ پر میَں سدا آپنی نِکی بائبل آپنی اگے والی بوجھی وچ رکھدا ساں۔ گولی بائبل وچوں لنگ گئی تے مینوں ماڑا جیہا پھٹ لگیا۔ جے بائبل نہ ہوندی، تے گولی میرے دِل وچ جا لگدی۔ ایہنے میری جان بچا لئی۔ تے بس اک واری نئیں سگوں دو واری۔ پہلی واری ایہنے مینوں تد بچایا جدوں میَں ایہہ پڑھیا پئی یسوع ای ایسی ہستی اے جیہڑا مینوں میرے گناہواں تھوں رہائی دے سکدا اے۔ تے دوجی واری تد جدوں ایہنے مینوں اوس خطرناک گولی تھوں بچا لیا۔“
میَں بائبل نوں روز پڑھدا اَں۔ کیہ تُسی وی پڑھدے ہو؟ جے تہانوں بائبل پسند اے تے مینوں لکھ کے گھلو۔ بائبل وچ لکھیا اے: ”تیرا کلام میرے پیراں لئی دیوا تے راہ دے لئی لو اے“ (زبور ۹۱۱: ۵۰۱)۔
ایہہ روشنی تہانوں راہ وکھاندی اے تاں جو تُسی گواچ نہ جاﺅ سگوں خدا وَل جان والا راہ لبھ سکو۔
لوک: بیان کرن والی، دِرک، کُڑی، بندہ
حقوق: بحق سی ای ایف جرمنی محفوظ نے۔