STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 107 (Lame excuses)

This page in: -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- German -- Greek -- Guarani -- Hebrew? -- Hindi -- Indonesian -- Italian -- Korean -- Kyrgyz -- Malayalam? -- PLATT (LOW GERMAN) -- Portuguese -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swiss German? -- Tamil -- Turkish -- Urdu? -- Uzbek

Previous Piece -- Next Piece

DRAMAS -- perform them for other children!
Plays for children to perform

107. Fule Uträd


Dirk es een Jung, waut aum leefsten bloos ema een Buak in de Haunt haft. Aus daut nu Karl May ooda Asterix es, daut dieet am nich lanj soo een Buak derchtoläsen. Oba fa een Buak kaun hee sich nich bejeistren.

Dirk: "De Bibel es nuscht fa mie."

Mäadche: "Wuarom iejentlich nich?"

Dirk: "Doa steit soo väl benen waut ekj nich vesto."

Mäadche: "Daut sent doch bloos fule Uträden. Een bät waut vesteist du gaunz secha."

Dirk: "Waut wudd daut senen?"

Mäadche: "Du saust nich stälen."

Wow! Daut trof Dirk bloos gaunz krajt aus een Feil. Sien Jesecht wort root, un hee rand schwind wajch.

Hast du aul jehieet? De Bibel es daut baste Buak.

Junj: "Aus maun de Druckschreft utjefunjen haud, wort de Bibel aus ieschtet Buak jedrukt."

Mäadche: "De Bibel es mea aus in 1600 Sproaken äwasat worden."

Junj: "De kjlanste Bibel wort in Enjlaunt jedrukt un es mo soo groot aus een Schweweldoskje."

Mäadche: "De jratzte Bibel en de Welt es gaunz ut Holt un es alw Zentna schwoa."

Junj: "De Bibel es een Buak waut aum mieschten jeleeft woat, oba dee woat uk von väle jehausst."

Mäadche: "40 Persoonen haben de Bibel jeschräwen, oba Gott haft dän aula jesajcht waut see schriewen sullen."

Junj: "Wäa de Bibel last un aun Gott sien Wuat jleeft, woat en nia Mensch. Kjeen aundret Buak kaun soo veändren."

Mäadche: "In de Bibel sent onjefäa dree Million Buakstowen. Wann du jieden Dach vea Kapitel läsen deist, dan hast du dee in eenem Joa derchjeläst."

Junj: "Een Maun in Enjlaunt haft dee aul 100 mol jeläst."

Eena funk mol bie sienem Frint eene Bibel un doa haud wäa derchjeschoten. Hee docht daut wia bees un niedatrachtikj. Wäa woagd sich daut bloos, Gott sien Wuat soo to behaundlen? Hee wia sea erschrocken doaräwa. Daut schiend soo, de Frint wisst waut dis Maun denkjen deed.

Maun: "Ekj frei mie äwa dise Bibel waut derchjeschoten es, see haft mie daut Läwen jerat. Im Kjrich wia ekj Soldot un musst gaunz fäare kjamfen. Wie deeden von eenem Growen nom aundren krupen. Oppeenmol späad ekj eenen stoakjen Schlak jäajen miene Brost un daut deed sea wee. Waut wia passieet? De Fient haud eene Kugel no mie jeschoten.
Oba ekj haud soo aus ema miene Bibel in miene Brosttausch benen. De Kugel wia derch de Bibel jekomen un soo wie ekj mo leicht vewunt. Wan de Bibel nich jewast wia, haud de Kugel mien Hoat jetrofen.
See haft mie daut Läwen jerat. Sogoa aul tweemol. Daut ieschte mol, aus see mie säd, daut Jesus de eenzcha Rada von miene Sinden es. Un daut tweede mol, aus see de Kugel opphoolen deed doamet ekj nich to dood kaum."

Ekj läs jieden Dach en de Bibel. Du uk? Wan du eene wellst, dan schriew mie.

In de Bibel steit:
Dien Wuat es eene Laump, mie dän Wajch to wiesen. (Psalm 119,105)

Dit Licht wiest die dän Wajch, doamet du die nich vebiestren deist, oba no Gott komen kaust.


Persoonen: Eena waut vetalen deit, Dirk, Junj, Mäadche, Maun

Copyright: CEF Germany

www.WoL-Children.net

Page last modified on May 27, 2020, at 05:10 PM | powered by PmWiki (pmwiki-2.2.140)