STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 061 (A new star 1)

Previous Piece -- Next Piece

DRAMAS -- perform them for other children!
Plays for children to perform

61. Uj mosoj ch´asqa 1


Uumm waranqa waranqa quyllorkuna ch’isin k’ajarishajtin, yachayniyoj runakuna Babiloniapi pata qhawarisqa kashanku manchay jatuchej telescopios nisqawan qhawaspa.

Sabio 1: "Qhawaychej, uj mosoj k’asqa rikhurin, ni jayk’ajpis jaqay jina ch’askata rikorqanchejchu."

Sabio 2: "¿Cheqapuneqa, kaymanta jinalla uj mosoj ch’aska rikhurin. Imatataj niyta munanri?"

Kay yachayniyoj runakunaqa, sumajta yachasqarqanku ch’askakunamantaqa (astronomía). Chayrata kuyurikusqanku watuykachaspa papiros nisqapi qhelqasqakunata ñawirispa, rumikunapi qhelqasqakunata ima, chaykuna chaypacha libro jina imatapis yachayta munaspa ñawirinankupaj karqa, chaypitaj tarisqanku tapukuyninkuman kutichiytaqa.

Sabio 1: "Kayqa, chay ch’askaqa willashan uj rey judiokunamanta paqarisqanta."

Sabio 2: "Uunn chay reyqa nimayqen rey jinachu ujinapuni, allin kanqa mask’aj rinanchej yupaychanapaj, chay noqanchejpatapis reyninchej kanqa."

Jesús, wiñaypaj rey paqarisqa. Diostata ñawpajta yachayta qosqa ovejata michejkunaman, chanta chay yachayniyoj Babiloniamanta runakunaman ima. Yachayniyojkunaqa camellosninkuman imachus karuta ch’usarinankupaj kajta chajnaykukusqanku, regalosta ima.

Chay maymanchus risharqanku chaypi purinanku kasqa mil km. kurajta. Chay riyniykutaj mana uj maskha p’unchayllachu kasqa á, killasta chakipi risqanku, Jesústa rikunaraykoqa rinankupuni karqa mana qhellakuspa. Munarqanku jatunchayta chanta rejsichiyta paykuna jap’eqasqankuta Señorninku chanta salvajkuntaj kasqanta.

¿Qampis rejsichinkichu kay navidad tiempopeqa? ¿Munankichu Señorniyki chanta salvadorniykitaj kananta?

Manchay sayk’usqa chayasqanku chay yachayniyojkuna jatun Jerusalen llajtamanqa.

Sabio 1: "¿Maypitaj kashan chay rey paqarejri? Willaj ch’askata rikuspa jamuyku yupaychaspa jatunchanaykupaj."

Nipipis chay watusqankuman kutichisqankuchu. Chay nisqankuta uyarispa aswampis manchharisqanku, pichus astawan manchharej kasqa rey Herodes. Arí, chay sajra sonqo mana khuyakuyniyoj rey, paypa ñawpaqempeqa tukuy kharkatej kasqanku, chay rey manchikusharqa kamachiyninta mana qhechuchikuyta munaspa. Chaypachita wajyachisqa escribas nisqa runakunata.

Herodes: "¿Qankuna yachankichejchu maypichus paqarin karqa Judiospa reyninkoqa?"

Escriba: "Ari á, Diospa nisqasninta sumajtapuni ukhunchariyku, Belénmanta jamonqa chay atiyniyoj reyqa."

Chay nisqankoqa Herodes clavo jina kasqa, jinapis mana cuentata qokunankupaj ujinayarisqa. Pakayllapi chay Babiloniamanta runakunata tapurisqa:

Herodes: "¿Mayk’ajtaj ch’askakuna rikhurisorqachej? ¿Mayk’ajta ñawpajkutipi rikorqankichejrí?"

Nimata riparaspa ima p’unchaychu kasqanta sut’inchapusqanku. Chaywanqa tukuyta yachasqa Herodes.

Herodes: "Riychej Belénman chay wawata mask’aj, tarispataj jamuspa willawankichej noqapis yupaychaj rinaypaj."

¿Cheqapunichu Herodes yupaychayta munanman karqa? Chay sajra sonqo llullaqa, paylla rey kayta munarisqa. Yachaynoyojkuna Jerusalénmanta llojsinku reyta mask’aj.

Chayta qhepallampiña alliysituwan sut’inchasqayki chaychu.


Personajes: Relator, dos sabios, Herodes, Escriba

© Copyright: CEF Germany

www.WoL-Children.net

Page last modified on May 14, 2021, at 06:25 AM | powered by PmWiki (pmwiki-2.2.140)