Home -- Quechua -- Perform a PLAY -- 060 (Christmas – so different 2)
60. Navidad waj jinataj 2
Juch’uy llajtitakunapi campopeqa nipipis raymichankuchu navidadtaqa. Nipi kusikunchu Jesuspa paqarisqanmantaqa, Teresita sapillan yuyarikun. Tutamantaqa hermanitunman pakaysitullamanta willarin, Joséj kawsayninmanta, Mariaj kawsayninmanta chanta Jesuspa kawsayninmanta ima. Mayta munaj raymichayta navidadta nitaj atirqachu imaynata ruwayta.
Navidad sach’akuna, waqeykuna, puka velitas chanta encuelampi jina cristiana takiykuna mana karqachu. Teresitaqa mandilsitunta churaykukuspa masa ruwayta qallarin t’antapaj, yakuman rin, chanta cabrastapis qhatirpallantaj. Teresitaqa manchay kusisqa mamanta yanapan. Chaypis navidadta ramichaywan ninakorqa, tutanejtaña askha visitas chayasqanku Teresitata rikuyta munaspa, imaraykuchus vacacionesllapi wasinman chayasqanrayku.
Qowi kankawan t’antawanqa tukuymampuni gustasqa, chaykunata mikhuykutawantaj sayaykuytawampuni Anita nisqa:
Anita: "¿Teresa, willawayku chay Jesúspa paqarisqanmanta paqarin willawarqanki chaymanta?"
Chaytaj nejta uyariytawan tukuy chaypi kashajkuna ch’inpacha kasqanku, chaypeqa Jesúspa sutinta oqhariyqa mana allinchu kasqanrayku, tukuyninkupuni manchay phiña qhawarisqanku Teresitataqa. Alberto sutiyoj primonqa, burlakuspa jina nin:
Alberto: "¿Chaytachu chay cristiano escuelaykipi yachachisunku? Ni jayk’ay chaymanta kaypi paylanaykichu tiyan."
Teresita ch’insitu kasqa. Sapallan chejnerpasqa jina riparakusqa chayratoqa, jinapis paypa sonqompeqa kashan, imapis kachun Jesusmanta mana kacharikunampaj kashan. Jinallapi tatan paylayta qallarin:
Padre: "Chay historias nisqasnintaqa manapuni noqa creenichu Teresita ní bibliapipis. Noqanchejpata waj religiónninchejqa. ¿Jinachari Teresita?"
Teresa: "Ari, creeni Jesúspi. Chayllataj ñan janaj pachaman Diostataman chayananchejpajqa. Jesús nin: Noqa ñan kani, cheqataj, kawsaytaj, mana pipis riyta atinchu Tataman, mana Jesucristopi creespaqa." (Juan 14:6)
Chayta nejtin astawanqa ch’in ch’inlla, t’ukuspataj jatun jatunmanta qhawasqanku chay chunka kinsayoj imillitataqa. Teresitaj sonqon nanasqa wajkuna Jesusta qhesachajtinkoqa. Jinallapi sayaykuytawan t’iju llojsipusqa chay kashasqanku chay wasi ukhumantaqa waqarikuspa. Pay k’atalla munakorqa Jesustaqa. Imaraykutaj wakinkuna ¿mana munakorqankuchurí? Teresitaqa mana chay tapuyman kutichiyta atinchu, jinallapi sullk’itan Anita paywan khuska rikhurin.
Anita: "Teresa, noqaman gustawan chay historiasmanta willawasqaykeqa. Munani qan jina kayta chay Jesuspi creeyta."
Chayta uyariytawan Teresitaqa kusirikun, manaña manchikuyni kanchu. Jesuspa paqarisqanmanta yuyarikuna navidad raymi sonqompi t’ikarillantaj. Chay wata navidad raymita ujinata ruwasqa: ¡Jesúswan sonqon ukhupi!
Personajes: Relator, Teresa, Padre, Anita, Alberto
© Copyright: CEF Germany