Home -- Fulfulde -- Perform a PLAY -- 061 (A new star 1)
61. Fii hoodere hesere nden 1
Koode timmayɗe ujune ujune no jalbude ka kammu. Yimåe iwruåe e ndii leydi wi’eteendi Baabiila lasindike jalbeendi wondi ndin ka kammu rewrude e ko kammuuli ɗin loŋortee kon no wi’ee teleskope e haala faransi.
Jom gande 1 : "Ndaaree ɗoo, hoodere heyre nde sugu mayre yi’aaka haa hannde!"
Jom gande 2 : "Ko goonga. Nde wootere tun, hoodere hesere yaltiti. Ko honɗun woni firo ɗun?"
Åen jooma gande’en no anndunoo piiji ɗuuɗuɗi fii koo ko fewti lasindagol loñoo kammuuli ɗin. Fii jaabagol ɗen lannde, åe janngayno woni alluuje waɗiraaɗe kaaýe e defte taggiiɗe.
Jom gande 1 : "Ko ɗoo : Hoodere nden ko holli en ko lanɗo Yahuudiyankeeåe åen woni ko jibinaa."
Jom gande 2 : "Lanɗo mo sugu alaa! Ko haanuɗen waɗude ko yahugol ɗaååita mo, sujjana mo, ko non o wontiranta en lanɗo."
Iisaa, Lanɗo poomayankeejo on jibinaama.
Aranun ɗun, Alla feññinaniino ɗun ngaynaakooåe åen, ontuma non o feññinani kadi joom gande’en åe leydi Baabiila ndin.
Åay saa’iiji seeɗa feýýii, åen jom gande’en moýýini dolle maååe ɗen, åe ýetti bonfooji maååe ɗin e dokke, åe ýawi e gelooɗi maååe. Hiåe haanunoo yahude ka woɗɗi ko timmata 620 miyelji (997,79 Kiloo-meeter). Yaadu maååe ndun ýettuno lebbi. Kono annabi Iisaa no hitti e gite maååe. Hiåe haani sujjande mo, åe holla fow wondema åe jaåirii mo wa Joomiraaɗo on ka nder ngurndan maååe.
Hara a waɗay wa ɗun e oo saa’a juldeere fii Mauluudu annabi Iisaaa on? Hara hiɗa faala an kadi yo o wonane Joomiraaɗo e Dandoowo ma on?
Ka tawnoo åe ronkii ɗon, åen yimåe hewti ka saare mawnde wi’eteende Baytilahiimi.
Jom gande 1 : "Ko honto oo lanðo Yahuudiyankeeåe arðo e jibineede woni? Ko fii men yi'ii hoodere makko nden, men arii sujjangol mo."
Hay gooto jaabaaki åe. Yimåe åen no ŋalɗi, åe jokkitii yaadu maååe ndun. Oo lanɗo wi’eteeɗo Heroodu åurnoo hawnaade. On lanɗo huññuɗo mo fow hulaynoo, hari kanko himo hulani jullere makko laamu nden. O mottindiri no yaawiri gandiɗuåe makko åen.
Heroodu : "Hiɗon anndi ko honto on lanɗo Yahuudiyankeeåe jibintee?"
Jannooåe fii sariya on : "Pellet, meɗen anndi. Men janngii ka fii ɗun windii ka daaluyee Alla. Oo lanɗo ko Baytilahiimi yaltata."
Ɗin konguɗi meemiri Heroodu wa si ko kaafa. Kono o jaåaali hay gooto yi’a ko o huli kon. E nder gunndoo, o torii åen jom gande’en åe Baabiila åen ɗun ɗoo :
Heroodu : "Ko e saa’i hombo hoodere nden feeñi? Ko honde tuma åe fuɗɗii yi’ugol nde?"
E åaawo sikkitaare, åe yeetimo ñalaande nden. Jooni o humpitike ko o haanunoo humpitaade kon.
Heroodu : "Yahee Baytilahiimi, ɗaååitoyon kun paykun. Nde yiitoyɗon kun woo, artee, humpiton mi, min kadi, miɗo faalaa sujjande kun."
Hara ko ɗun tigi o faalanoo waɗude? Oo’owoye. On fenoowo hulåiniiɗo no faalanoo wonude kanko tun lanɗo ko ɗun waɗi, si himo faalaa warugol kun paykun laamiikun. Jom gande’en iwi Yerusalaam.
Ka taariika hikkotooɗo, en anndoyay ko jokkitii kon.
Yewtooåe : Fillitotooɗo, jom gand’en en ɗiɗo, Heroodu, Windoowo fii sariya on
© Copyright : CEF Allemagne