STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 012 (Joy that never leaves us)

Previous Piece -- Next Piece

DRAMAS -- perform them for other children!
Plays for children to perform

12. Kusiy mana tukukuyniyoj


(Pasos de personas)

Uj tuta manchay ch’askakuna k’ajarishajtin, juch’uy llajta Belenqa ch’impacha laqhalla kashan, tukuytaj puñushanku. Llajtamanta jawanejllapi ovejasta michejkuna uywata qhawaspa uywawan khuska kashanku; chayqa paykunaj llank’ananku, nitaj wasinkuman rispa puñukampukumanchu. Mana jatumnpaj qhawasqachu kanku ovejerosqa, manapis runa kankuman jinalla uywawan khuska kanankupaj qhawasqa kanku.

¿Manachu yanapaj, salvadorpis paykunapaj kanman? ¿Yachasqañachu kankuman ajina k’uchuncharpasqa kawsanamanqa?

Manchay sayk’usqa ujnin kaj chay michejkunamantaqa, rumi pataman umanta siriykun, jinapis tukuyninku rijch’asqa kashanku mana puñuspa. Chayllaman chawpi tutaj sonqompi uj jatun t’ukunapaj k’anchay k’achaykurpan, manchay manchharisqas umankuta pampaman k’umuykuspa pakakuyta munanku, makinkuwantaj ñawisninkuta sumajta pakaykunku. Maytapuni manchharinku chay jina k’ajaj k’anchaytaqa.

Janaj pachamanta uj ángel jurayk’amun, Diospa kachan uj willaywan. Jina pampapi kashaspa qhawanku chay runakunaqa, chay jurayk’amojtaj mana mayqen runa jinallachu karqa, imaraykuchus mana jallp’amantachu kasqanrayku.

Ángel: "¡Ama manchachikuychejchu! uj sumaj willayta willasqaykichej, chaytaj tukuy llajtantimpaj manchay kusiy kanqa. Kunan paqarin uj Salvador qankunapaj, Señor Jesucristo. Kunampacha riychej Belénman, chaypitaj qankuna kikiykichej rikuspa yachamuychej."

Mayta t’ukuspa uyarinku chay michejkunaqa. ¡Uj Salvador! manchay kusikuy sonqonkuta t’ikarichin, jinaqa mana Diostata paykunamanta qonqakunchu.

Jinallapi manchay askha, janaj pachamanta jurayk’amojkuna chay algelwan khuska rikhurispa tukuyninku Diostata yupaychayta qallarinku, chay jatun kay, uj salvaj paqarisqanmanta.

Michejkunataj imata jina sayariytawan t’iju kachaykukunku Belén llajtaman, chaypitaj taripanku Mariata Josetawan juch’uy wawa Jesúswan khusqa kashajta. Kusikuyninkeqa manchay jatun, salvadorninku Jesusta rikusqankumanta.

Cheqapuni, qampajpis chay salvador paqarillarqataj, mañakuy Jesús kawsayniykiman jamunanta chanta chay kusikuyta qampis tarinki.


Personajes: Relator, ángel

© Copyright: CEF Germany

www.WoL-Children.net

Page last modified on April 13, 2021, at 03:47 PM | powered by PmWiki (pmwiki-2.2.140)