STORIES for CHILDREN by Sister Farida

(www.wol-children.net)

Search in "Albanian":

Home -- Albanian -- Perform a PLAY -- 012 (Joy that never leaves us)

Previous Piece -- Next Piece

DRAMAT – luajini për fëmijët e tjerë!
Drama për tu luajtur nga fëmijët

12. Gëzim që nuk na braktis kurrë


Qielli i natës ishte i mbushur plot me yje. Në qytet kishte rënë errësira. Në fushë, barinjtë po kujdeseshin për delet e tyre. Kjo ishte punë shumë e vështirë. Madje ata nuk kishin as të drejta. Por ishin të përbuzur, njësoj si vjedhësit.

A nuk kishte ndonjë ndihmës apo Shpëtimtar për ta? Apo thjesht e pranuan faktin se ishin më të ulëtit në shoqëri?

Të lodhur, u mbështetën pas një trungu peme. Por befas u zgjuan të gjithë. Në mes të natës shkëlqeu një dritë e madhe. Ata i mbuluan sytë nga drita verbuese që të mund të shihnin më mirë. Dhe ata ishin shumë, shumë të frikësuar.

Një engjëll, një i dërguar i Zotit, erdhi tek ata nga qielli. Të frikësuar, barinjtë ia ngulën sytë lajmëtarit nga bota e mistershme e Zotit.

Engjëlli: "Mos u druani! Sepse unë po ju lajmëroj një gëzim të madh për të gjithë popullin. Sepse sot në qytetin e Davidit lindi për ju një Shpëtimtar; që është Krishti, Zoti. Dhe kjo do t’ju vlejë si shenjë: ju do të gjeni një fëmijë të mbështjellur me pelena, të shtrirë në një grazhd."

Të shtangur, barinjtë dëgjuan me vëmendje. Një Shpëtimtar! Një gëzim i madh i mbushi zemrat e tyre. Zoti nuk i kishte harruar.

Pastaj kishte shumë engjëj në qiell që lavdëronin Perëndinë për mrekullinë e lindjes së Shpëtimtarit.

Barinjtë shkuan në han dhe gjetën Marinë, Jozefin dhe foshnjën Jezus. Ata u gëzuan shumë kur panë Jezusin, Shpëtimtarin.

Kjo është e vërtetë edhe për ju: Shpëtimtari lindi edhe për ju. Kërkojini Zotit Jezus të vijë në jetën tuaj dhe zemra juaj do të mbushet plot me gëzim.


Folësit: Autori, engjëlli

© E drejta e autorit: CEF Gjermani

www.WoL-Children.net

Page last modified on August 05, 2023, at 11:55 AM | powered by PmWiki (pmwiki-2.3.3)