STORIES for CHILDREN by Sister Farida

(www.wol-children.net)

Search in "Albanian":

Home -- Albanian -- Perform a PLAY -- 011 (Jesus is born)

Previous Piece -- Next Piece

DRAMAT – luajini për fëmijët e tjerë!
Drama për tu luajtur nga fëmijët

11. Lindja e Jezusit


(zhurmë hapash të shumtë)

Lajmëtari i Mbretit: "Nazareas! Ejani mblidhuni këtu dhe dëgjoni urdhrin e Mbretit! Do të bëhet regjistrimi. Çdo qytetar vendas duhet të kthehet në vendlindjen e tij për t'u regjistruar.
Ky sigurisht nuk është një lajm i mirë. Por pasi të përfundojë regjistrimi, mund të ktheheni sërish këtu. Zbatojeni këtë ligj! Mbani mend: Mbreti është i rreptë."

I gjithë Nazareti ishte i shqetësuar. Shumë njerëz u mërzitën. Urdhri i Mbretit nuk përshtatej me planet e tyre, por përshtatej me planin e Perëndisë.

Edhe Maria dhe Jozefi duhej të përgatiteshin për këtë udhëtim të gjatë. Jozefi ishte pasardhës i mbretit David, prandaj iu desh të kthehej në Betlehem, vendlindjen e tij.

Udhëtimi mund të jetë i këndshëm, por jo kur dikush duhet të udhëtojë 106 milje në këmbë!

Për Marinë, udhëtimi ishte veçanërisht i vështirë, sepse ajo ishte në pritje të fëmijës së saj të parë. Ajo e dinte tashmë se do të bëhej nëna e Birit të Perëndisë, sepse një engjëll e kishte paralajmëruar atë dhe Jozefin për këtë lajm të mirë.

Jezusi, Shpëtimtari i botës – ky ishte plani i mirë i Perëndisë.

Udhëtimi për në Betlehem dukej i pafund. Ata tashmë kishin udhëtuar për pesë ditë. Maria dhe Jozefi nuk do ta kishin planifikuar këtë udhëtim për veten e tyre. Por ishte pjesë e planit të Zotit dhe kjo është arsyeja pse ata iu bindën.

Në Betlehem u zhgënjyen shumë.

Hanxhiu: "Asnjë dhomë nuk është e lirë. Çdo dhomë është zënë. Pyet diku tjetër. Largohuni, nuk ka vend këtu për ju."

Kudo dyert ishin të mbyllura për ta.

Më në fund gjetën një vend në një han.

Një han në planin e Zotit.

Dhe aty, në mes të natës, ndodhi një mrekulli.

Jezusi lindi. Maria mori Jezusin, e mbështolli me copa dhe e vuri në një grazhd.

Plani i Zotit u realizua.

Imagjinoni, 700 vjet përpara se të ndodhte kjo, Perëndia kishte premtuar tashmë se Mesia do të lindte në Betlehem.

Perëndia e deshi aq shumë botën saqë e zbatoi planin e Tij dhe na dha Birin e Tij neve.


Folësit: Autori, lajmëtari i Mbretit, hanxhiu

© E drejta e autorit: CEF Gjermani

www.WoL-Children.net

Page last modified on August 05, 2023, at 11:55 AM | powered by PmWiki (pmwiki-2.3.3)