STORIES for CHILDREN by Sister Farida

(www.wol-children.net)

Search in "Aymara":

Home -- Aymara -- Perform a PLAY -- 011 (Jesus is born)

Previous Piece -- Next Piece

DRAMAS -- perform them for other children!
Plays for children to perform

11. Jesusajj nazjjewa


(Jakenacan sarnakatapa)

Emperadoran qhitanacapa: ”¡Nazaret jakenaca! ¡Jutapjjam ist’apjjam emperadorajj cuns ordini! Mä censowa utjani. Sapa mayni marcanquirinacajja cauquimarcantï nazcäna ucaruw cutt’añapa.

Acä yatiyäwejja janiw cusisiyapquirismati, ucampisa nayanacajja, emperadoran qhitatanacaquïpjjtwa. Ucampisa cuna pachatejj censo pasjjani ucjjajja cutt’anjjapjjasmawa.

¡Aca ordenaru ist’apjjam! Jumanacajja emperadorajj phirütapjja yatepjjtawa.”

Takpach Nazaret marcawa mayjjt’atäna. Waljaninacawa culiratäpjjana. Emperadoran ordenapajja janiw walicänti amptatanacapataqui, ucampisa… Diosan amtapampejja walt’änwa.

Maríampi Josëampisti viajetaquejja waquichasiñapänwa. José jupasti David ucan familiapänwa uqhamajja Belén ucar sarañapänwa, caucantï nazcatayna ucaru. Viajañajja wali sumäspawa, ucampisa cayuqui La Pazata Caranavicamachisti…

Maríataquejja juc’amp ch’amänwa, niyawa wawapajja naciñampejjäna. Diosan juparu ajllisitapjja Diosan Yokapan taycapañataquejja, yatïnwa. Mä angelaw uca suma arjja juparu uqhamaraqui José juparusa yatiyatayna.

Jesusan nacïwipa, aca mundo Khespiyri, ucawa Diosan suma amtapajja.

Belenaru viajañajja janiw tucusirjamäcänti. Niya pheska uruwa viajasipcäna. Mariampi Joseampisi janiw cuna pachasa uca jaya karjañ viaj-jja ajllipcaspänti. Ucampisa Diosan amtapancänwa acajja ucatwa sarapjjäna.

Belenansti mä jan waliwa suyascäna:

Korpachiri: “Phokatajew, janiw juc’am cuartonacajj utj-jjete. Yakha token thaktapjjam. Sarjjapjjam, janiw acan lugarajj utj-jjete.”

Take chekanwa korpachasiñanacajja jist’antatcamaquïnwa. Kheparusti mä uywa uyunacwa ch’usäscäna.

Diosan amtapajja phokasitaynawa. Amuyasim niya pakallco pataca maranac janïrawa Khespiyirin jutäwipjja arsjjatäna uqhamaraqui Belenan naciñapsa arsuraquitayna.

Kaokhchsa jakenacarojja Diosajj munasi amtatap phokañataquejja uqhamaraqui Jesus wawapa churañataqui.


Uñstirinaca: Parliri, emperadoran yatiyiripa, korpachiri

© Copyright: CEF Germany

www.WoL-Children.net

Page last modified on October 08, 2018, at 10:08 AM | powered by PmWiki (pmwiki-2.2.109)