STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 011 (Jesus is born)

This page in: -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- German -- Greek -- Guarani -- Hebrew? -- Hindi -- Indonesian -- Italian -- Korean -- Kyrgyz -- Malayalam? -- PLATT (LOW GERMAN) -- Portuguese -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swiss German? -- Tamil -- Turkish -- Urdu? -- Uzbek

Previous Piece -- Next Piece

DRAMAS -- perform them for other children!
Plays for children to perform

11. Jesus es jebuaren


(Schräd von Menschen)

Deena vom Kjeisa: "Jie Menschen von Nazareth! Komt häa, un horcht to waut de Kjeisa junt aunstallen deit! Daut Volkj saul jetalt woaren. Jieda Birja von disem Launt mot doahan gonen woo hee jebuaren es.
Bestemt moakt junt dise Norecht kjeene Freid. Oba wann jie jetalt sent, kjenn jie uk wada trij gonen.
Doot mo jehorchen waut junt befolen es! Jie weeten doch: De Kjeisa es strenj."

Gaunz Nazareth wia oppjeräajcht. Väl Menschen oajaden sich. Waut de Kjeisa doa befolen haud, pausst nich in äarem Plon, oba daut pausst krajt to Gott sienem Plon.

Uk Maria un Josef mussten sich to de Reis reedmoaken. Josef staumd von David siene Famielje auf, un döawäajens mussten see no Betlehem, woo de jebuaren wia.

Mol eene Reis moaken kaun scheen sennen, oba nich wann maun 170 Km. to Foot gonen mot.

Fa Maria wia de Wajch besondasch schwoa, wiels see boolt äa ieschtet Kjint kjrieen wudd. See wisst daut, daut see boolt de Mutta von Gott sienen Sän woaren wudd. Een Enjel haud ar, un uk Josef dise goode Norecht jesajcht.

Jesus, de Heiland von de Welt, daut wia Gott sien gooda Plon.

De Reis no Betlehem wull schia nich toenj gonen. Fief Doag wieren see aul opp däm Wajch. Maria un Josef hauden sich disen Wajch nich selfst utjesocht. Oba daut jehieed to Gott sienem Plon un doawäajens wieren see uk wellens däm to gonen.

Aus see in Betlehem wieren, worden see sea enttäscht.

Wieet: "Aules es voll. Kjeene Sto es frie. Froacht aundawäajens no. Got wieda, hia es nich Rum fa junt."

Aulawäajend worden de Däaren ver an tojeschloagen.

Tolatzt funjen see dann eenen Plautz in eenem Staul. Een Staul, in Gott sienem Plon.

Un doa passied medden en de Nacht daut groota Wunda.

Jesus wort jebuaren. Maria naum daut Jesuskjint, deed daut in Winjle enwekjlen un läd daut en eene Kjrebb.

Gott sien Plon wia erfellt. Stall die daut mol fäa, aul ver 700 Joa haud Gott däm Heilant vesproaken un jesajcht, daut dee in Betlehem sull jebuaren woaren.

Soo sea leewd Gott de Menschen, daut hee sienen Plon soo utfieren deed, un ons sienen Sän jeschenkjt haft.


Persoonen: Eena waut vetalen deit, Deena, Wieet

Copyright: CEF Germany

www.WoL-Children.net

Page last modified on April 27, 2020, at 05:26 PM | powered by PmWiki (pmwiki-2.2.140)