Home -- Punjabi -- Perform a PLAY -- 080 (A bill for Mom)
!ڈرامے- ایناں نُوں اپنے بیلیاں لئی ادا کرو
بچیاں دے ادا کرن لئی ڈرامے
08. ماں لئی بِل
یاسمین دی کھڈونیاں وچوں پسنددی شے کند نال لگے تختے اُتے پئی سی۔
یاسمین: ”ہر کسے نوں پیسیاں دی لوڑ ہوندی اے۔ وڈیاں کول ایہہ اختیار اے۔ اوہ جو چاہن خرید سکدے نے۔ پر ہاں، میرے کول اک ترکیب اے۔“
یاسمین نوں بڑی چھیتی سی۔ دوپہر دے کھانے دے بعد اوہ آپنے کمرے وچ گئی۔ اوہنوں بس پنسل تے کاغذ دی لوڑسی۔
یاسمین: ”یاسمین دے خرچیاں دی فہرست۔ میَں کوئی غلام تے نئیں جیہڑی بغیر کجھ لئے ای کم کردی جاواں:
ترمیم شدہ شیشہ چُک کے ظرف وچ رکھیا 5 رُوپے
فوارے نوں دھوتا 01 رُوپے
ہرروز رات نوں میز اُتوں بھانڈے چُکے 02 رُوپے
کمرے نوں صاف کیتا (مشکل کم) 03 رُوپے
دھوائی دے پانی دا بھانڈا خالی کیتا 5 رُوپے
کوُڑا لے کے گئی (کِنی بو آوندی اے!) 02 رُوپے
ایہہ سارے ملا کے 01، 02، 03۔۔۔۔ 09 رُوپے
مہربانی کر کے چھیتی دے دیو!
تہاڈی محنت کرن والی یاسمین۔“
اوہنے چپ کرکے بورچی خانے دے میز اُتے اوہ بل رکھ دِتا۔ شام دے کھانے اُتے اوہنوں پہلاں ای اک چٹھی اوہدی پلیٹ دے نال پئی ملی۔ پر بعد وچ جدوں اوہ کلی سی اوس چٹھی نوں کھولیا۔
یاسمین: ”ہن مینوں بے چینی ہوندی پئی اے (چٹھی کھُلن دی واج، پیسے باہر ڈگدے ہوئے) پورے۱۴ رُوپے! ایس تھوں پہلاںمیَں ایڈی امیر نئیں ساں۔ اوہ ایہدے نال کوئی لکھیا ہویا نوٹ وی اے:
میری سوہنی یاسمین! ایہہ وے تیری تنخواہ۔ توں واقعی اک محنتی کُڑی ایں۔ جدوں تیرے کول ویلا ہووے، تے مہربانی نال میرا بل وی پڑھ لویں۔
دس سال تک میَں تیرے کپڑے دھوندی رہی، کوئی پیسے نئیں منگے جاندے پئے
دس سال تک میَں تیرے لئی کھانا پکاندی رہی، کوئی پیسے نئیں منگے جاندے پئے
جدوں توں بیمار سی تد میَں تیرا دھیان رکھیا، کوئی پیسے نئیں منگے جاندے پئے
میں تیرے نال کھیڈی، کوئی پیسے نئیں منگے جاندے پئے
تیرے مسئلے تے پریشانیاںسنن لئی میَں سدا ویلا کڈھدی رہی، کوئی پیسے نئیں منگے جاندے پئے
میَں ایس فہرست نوں ہورلمبا نئیں بنانا چاہندی۔میَں جو وی کیتا، تیرےلئی خوشی نال کیتا کیوں جو میری اکھاں دے تارے میں تینوں بڑا پیار کردی اَں، تیری ماں۔“
یاسمین بڑی شرمندہ ہوئی۔ اوہ دوڑ کے آپنی ماں دے کول گئی تے اوہناں دے گل لگ گئی۔
یاسمین: ”امی، میَں اج دے بعد کدی تہانوں بل نئیں دیواں گی۔ ایہہ جے مُڑ تہاڈے پیسے۔ میَں تہانوں پیارکردی اَں!“
دوجیاں دی مدد کرن وچ اوہناں نوں خوشی ملدی اے تے کجھ دین نال وی ایس طرح ہوندا اے۔
کیہ تُسی خوشی دینا چاہندے ہو؟ مینوں اُمید اے پئی تہاڈے کو ل کوئی چنگی ترکیب ہووے گی جس تھوں تُسی آپنی امی نوں حیران کر دیوو۔
تے یاد رکھنا: دوجیاں لئی کجھ کرن نال مُڑ تہانوں خوشی ملدی اے۔ ضروری نئیں پئی بس ماواں دے دن اُتے ای ایس طرح کیتا جاوے۔
لوک: بیان کرن والی، یاسمین
حقوق: بحق سی ای ایف جرمنی محفوظ نے۔