STORIES for CHILDREN by Sister Farida

(www.wol-children.net)

Search in "Aymara":

Home -- Aymara -- Perform a PLAY -- 080 (A bill for Mom)

Previous Piece -- Next Piece

DRAMAS -- perform them for other children!
Plays for children to perform

80. Cuenta kelljjäti mama


Cuntï juc’amp Jazmín jupajj muncänjja, anatañanacapan estantencänwa.

Jazmín: “Maynejj kollquenïñapawa. ¡Suertinipjjew jilïrinacajja! Jupanacajj cuntï munapqui ucanac alasipjjaspa. Mä amuyunítwa…”

Ucurujja Jazmín jupajj lakaquiw mankt’jjasinjja cuartopar sarjjänjja. Lapiz papelampi ucac necesitänjja.

Jazmín: “Sueldo Jazminar pagañataqui. Janiw servientäcti inac trabajañataqui:

Paquit vidrionac basurar apaña 2 pesos

Ducha jariña 3 pesos

Sapa aruma platonac cubiertonac apthapiña 6 pesos

Cuartojj pichaña uqhamarac apthapiña (ucajj wali ch’amaw) 10 pesos

Trastonaca apthapiña 4 pesos

Basur apsuña, phirupiniw kaphi 6 pesos

Sumthapisasti… 15, 20,…. 31 pesos

Janc’ac pagaña
Jazminam trabajiri.”

Jamasata cocina mesa patjjaruw uchäna. Jayp’utaquiati mä carta jicjjatäna platopamp chict’ata. Cuna pachatï sapaquïjjänjja ucjaw jist’ari.

Jazmín: “Jichhapï uñjañ müntjja (carta jist’arapa, kollkejj jalartiri) 31 pesonaca phokt’ata. Cuna pachas ucja kollkenïcayätti. Mä cartaw acancaraqui.

¡Munat Jazmín!

Acaw pagomajja. Chekas wali trabajador wawatawa. Tiemponïyat ucjajja, leyt’araquim nayan pagojja.

10 mara isim t’ajjsuta 0 pesos

10 mara jumatac phayatajja 0 pesos

Cuidat chuymachat cuna pachatï usutäcäyata 0 pesos

Jumamp anatata 0 pesos

Tiempo llaquinacamataqui uqhamarac jan walt’añanacan 0 pesos

Janiw juc’amp list lurañ münjjti. Take ucanac lürta gustumpi jumar munatajjata, munat wawa.

Mamama.”

Jazmín jupajj penkasitänwa. Jalataynawa mamapä ucaru ucat khomantataynawa.

Jazmín: “Mami, janiw cunapachas cuenta kelljjäti. Acajj kollkejja. ¡Nayajj munsmawa!”

Yanapañas uqhamarac regalañas cusisiñ churi. Juc’aquiw taycanacan urunacapataquejj faltjje.

¿Janit munasma mamamar c’uchisiñ regalaña? Mä suma amuyt’a utjpan mamamar cusisiyañataqui.

Ucatsti jan armasimti: Cusisiyañajj walja cusisiña churi - Janiw taycanac urunacapanacjja.


Uñstirinaca: Parliri, Jazmín

© Copyright: CEF Germany

www.WoL-Children.net

Page last modified on February 27, 2019, at 08:10 AM | powered by PmWiki (pmwiki-2.2.109)