Home -- Punjabi -- Perform a PLAY -- 037 (Jumping with joy at 15.00 o'clock)
!ڈرامے- ایناں نُوں اپنے بیلیاں لئی ادا کرو
بچیاں دے ادا کرن لئی ڈرامے
73. تین وجے خوشی نال چھال مارنا
بندہ: ”ایہہ نئیں ہو سکدا!“
عورت: ”ہاں جی ایہہ ہو سکدا اے! ویکھو! اوہ ٹُر سکدا اے۔“
بندہ: ”ہو سکدا اے ایہہ اوہدی شکل دا کوئی ہور بندہ ہووے۔“
عورت: ”مینوں یقین اے پئی ایہہ اوہ ای اے۔ اہہ چالیاں سالاں توں لنگٹرا سی تے ہون اوٹُرسکدا اے۔“
بندہ: ”اگر اے معجزہ نہیں! تے میں انج ہوندیاں کدی نہیں ویکھیا۔“
عورت: ”ویکھو او کنا خوش اے۔ اوہ اینا خوش اے پئی اوہ خوشی نال کُد رہیا اے۔“
ایہہ سچ اے۔ اوہ ٹُریا تے کُدیا تے خدا دی حمد کیتی۔ لوک اوہنوں ویکھدے رہ گئے تے پطرس نوں وی۔
پطرس: ”تُسی سانوں کیوں ویکھدے پئے ہو جے اساں ایس مفلوج بندے نوں ٹُرن جوگا بنا ای دِتا اے؟ ایہہ یسوع نے کیتا اے! اوہدے ناں اُتے یقین رکھ کے معجزے کیتے جاسکدے نے۔“
روز دہاڑے وانگ دِن شروع ہویا۔ دوپہر نوں پطرس تے یوحنا ہیکل وچ گئے۔ ایہہ اوہناں دی عادت سی، او ہر روز ۳ وجے ہیکل وچ جا کے دعا کردے سن۔ تُسی کدوں دعا کردے ہو؟
ہیکل وچ جان توں پہلاں اوہناں نوں روکیا گیا۔ اک مفلوج منگن والے نے اوہناں اگے ہتھ ودھایا:
مفلوج بندہ: ”میرے کولوں لنگ کے اگے نہ ٹُر جاوو! میرے اُتے ترس کھاوو! مہر کر کے مینوں پیسے دیو۔“
پطرس تے یوحنا نے منگن والے نوں ویکھیا تے پطرس نے آکھیا:
پطرس: ”سونا، چاندی تے میرے کول ہے نئیں۔ میَں امیر نئیں اَں۔ پر جو کجھ میرے کول اے میَں تینوں دے دیندا اَں: خداوند یسوع مسیح دے ناں وچ، اُٹھ تے ٹُر پھر۔“
فیر پطرس نے اوہدا ہتھ پھڑ کے اوہدی مدد کیتی تے اوہنوں کھلاریا۔ کرامت ہو گئی۔ اوسے ویلے اوس بندے دے جوڑاں تے پیراں وچ زور آ گیا، اوہ چھال مار کے کھلو گیا تے ٹُرن لگ پیا۔
اوس بندے نوں یقین نئیں سی ہوندا پیا۔ اوہ فیر چنگا ہو گیا سی! اوہ ٹُرن لگ پیا تے چھال مار کے خدا دا شکر ادا کرن لگا۔ خوشی نال اوہنے خدا دی تعریف کیتی، تے جہنے جہنے اوہنوں ویکھیا ایہہ ای کیتا۔
یسوع تہاڈی زندگی وچ کرامات کرنا چاہندا اے؛ اوہدے اُتے بھروسہ کرو۔
لوک: بیان کرن والی، بندہ، عورت، پطرس، مفلوج بندہ
حقوق: بحق سی ای ایف جرمنی محفوظ نے۔