Home -- Punjabi -- Perform a PLAY -- 036 (Identifying love)
!ڈرامے- ایناں نُوں اپنے بیلیاں لئی ادا کرو
بچیاں دے ادا کرن لئی ڈرامے
63. محبت دی پہچان
تُسی سیب دے رُکھ نوں کس طرح پچھانو گے؟
بچہ: ”ایہہ ویکھ کے پئی اوہدے اُتے سیب اُگدے نے۔“
تُسی بیری دے رُکھ نوں کس طرح پچھانو گے؟
بچہ: ”ایہہ ویکھ کے پئی اوہدے اُتے بیر دا پھل اُگدا اے۔“
تے تُسی اخروٹ دے رُکھ نوں کس طرح پچھانو گے؟
بچہ: ”ایہہ ویکھ کے پئی اوہدے اُتے اخروٹ لگن۔“
اسی رُکھ نوں اوہدا پھل ویکھ کے پچھان لیندے اَں۔ چنگا رُکھ چنگا پھل دیندا اے، تے بھیڑا رُکھ بھیڑا پھل دیندا اے۔
تے تُسی اک مسیحی نوں کس طرح پچھانو گے؟
اک بہت ای ضروری طریقہ اے اوہناں لوکاں نوں پچھانن دا جیہڑے یسوع دے نال میل رکھدے نے۔ دو بیلیاں نے اے خوبی ابتدائی مسیحیاں وچ ویکھی۔
پہلا بیلی: ”کیہ تُوں ویکھیا اے پئی روت ہن پہلاں وانگ لڑاکی نئیں رہی جس طرح اوہ پہلاں سی؟ پہلاں تے اوہ، ہمیشہ آپنے گوانڈی دی شکیت کردی تے غُصّہ کردی سی، پر ہن اوہ مدد کردی اے تے جا کے کھوں توں پانی وی لے کے آوندی اے۔ میَں دوجیاں لئی ایہو جیہا پیار پہلاں کدی نئیں ویکھیا۔“
دوجا بیلی: ”تے ایڈا مُنہ وَٹ کے رہن والا جیکب اچانک ہن کِڈا یاراں ورگا بن گیا اے۔ ہن اوہ لعنت وی نئیں کردا۔ کجھ ہفتیاں توں اوہ کِڈا بدل گیا اے۔“
پہلا بیلی: ”ایہہ ضرور اوس یسوع دے سبب ہویا ہووے گا جہدے اُتے ایہہ ایمان رکھدے نے۔ جس طرح ایہہ اک دوجے نوں پیار کردے نے ایس گل توں اندازہ ہو جاندا اےکہ پئی ایہہ مسیحی نے۔“
دوجا بیلی: ”ایہہ ہر روز دعا کردے نے۔ میَں حیران اَں پئی ایہہ کرن لئی ایناں کول ویلا ہوندا اے۔ تے ایہہ خوش وی نظر آوندے نے۔ ایہہ لوک چنگے بیلی وی نے۔“
پہلا بیلی: ”تے ذرا سوچو، پئی یوسف نے آپنی اک مربع زمین ویچ کے جیہڑا پیسہ ملیا اوہ سارا دے دِتا۔ اوہ اے پیسہ گرجے دے سربراہ دے کول لیایا، جہنے سارا پیسہ غریباں وچ ونڈ دِتا۔“
دوجا بیلی: ”کیہ اوہ جھلا ہو گیا اے؟“
پہلا بیلی: ”ایہناں وچوں کجھ نے تے آپنے گھر ویچ دِتے نے تے آپنا سارا کجھ غریباں نوں دے دِتا اے۔“
دوجا بیلی: ”ایہہ کس طرح اک دوجے نال جُڑے ہوئے نے۔ لالچی ہوون دے بجائے، ایہہ اک دوجے دے نال ونڈدے نے۔“
اوہ لوک بدل گئے نے۔ اوہ اک دوجے نوں پیار کرن لگ پئے۔ دوجیاں نے ایہہ ویکھیا تے حیران ہوون لگے۔
مسیحیاں دی زندگی بالکل ایس طرح دی ہوندی اے جس طرح خدا نے بائبل وچ سکھایا اے۔
(گیت دا ساز پیچھے وجایا جاوے)
روح القدس ساڈیاں زندگیاں وچ ترقی دی چنگی وجہ بندا اے۔ محبت، خوشی، امن، صبر، مہربانی، نیکی، ایمانداری، نرمی تے آپنے آپ اُتے قابو۔ کیہ تہاڈی زندگی وچ ایس طرح دے پھل نظر آوندے نے؟
مسیح اُتے ایمان لیاﺅ اوہ تہانوں بدل دیوے گا۔ جدوں کسے دا دِل بدل جاندا اے، فیر ہر کوئی اوہدے اندر ایس تبدیلی دیاں نشانیاں ویکھ سکدا اے۔ کیہ لوک تہاڈے وچ ایہہ خوبیاں ویکھ سکدے نے؟
لوک: بیان کرن والی، بچہ، دو بیلی
حقوق: بحق سی ای ایف جرمنی محفوظ نے۔