STORIES for CHILDREN by Sister Farida

(www.wol-children.net)

Search in "Armenian":

Home -- Armenian -- Perform a PLAY -- 037 (Jumping with joy at 15.00 o’clock)

Previous Piece -- Next Piece

DRAMAS -- perform them for other children!
Plays for children to perform

37. Ուրախության ցատկը ժամը 3-ին


Տղամարդ. - Դա պարզապես անհնար է։

Կին. - Այո՛, դա անհնար է։ Նայի՛ր։ Նա քայլո՛ւմ է։

Տղամարդ. - Միգուցե նա նմանակ ունի։

Կին. - Ես վստա՛հ եմ, որ նա է։ Նա արդեն 40 տարի է, ինչ կաղ է, բայց հիմա նա կարող է քայլել։

Տղամարդ. - Սա հրաշք է։ Ես երբևէ այսպիսի բան չեմ տեսել։

Կին. - Տե՛ս, թե ինչ ուրախ է նա, այնքան ուրախ է, որ ցատկոտում է երջանկությունից։

Ճի՛շտ է։ Նա քայլում, ցատկում և փառք էր տալիս Աստծուն։ Մարդիկ զարմացած նրան և Պետրոսին էին նայում։

Պետրոս. - Ինչո՞ւ եք մեզ այդպես զարմացած նայում, կարծես մենք ենք այս կաղ մարդուն կրկին քայլելու ունակություն տվել։ Հիսուսն է արել դա։ Նրա անվանը հավատալը կարող է հրաշքներ կատարել։

Օրը սկսվեց, ինչպես բոլոր սովորական օրերը։ Կեսօրին Պետրոսն ու Հովհաննեսը գնացին տաճար։ Դա նրանց սովորությունն էր։ ամեն օր՝ կեսօրվա ժամը երեքին, նրանք գնում էին տաճար՝ աղոթելու։ Ե՞րբ ես դու աղոթում։

Մուտքի մոտ նրանց ինչ-որ մեկը կանգնեցրեց։ Մի կաղ մարդ իր ձեռքերը պարզեց դեպի իրենց։

Կաղ մարդ. - Կողքովս անտարբեր մի՛ անցեք։ Ողորմե՛ք ինձ։ Ինձ գումա՛ր տվեք։

Պետրոսն ու Հովհաննեսը նայեցին մուրացկանին, և Պետրոսն ասաց։

Պետրոս. - Արծաթ և ոսկի չունեմ։ Ես հարուստ չեմ, բայց ինչ որ ունեմ, քեզ կտամ։ Նազովրեցի Հիսուսի անունով եմ ասում՝ վե՛ր կաց ու քայլի՛ր։

Ապա Պետրոսը մեկնեց իր ձեռքն ու օգնեց նրան կանգնելու և հրաշք տեղի ունեցավ։ Տղամարդու ոտքերն ու հոդերը ուժ ստացան։ Նա ցատկեց և կարողացավ կանգնել ու քայլել։

Մարդիկ իրենց աչքերին չէին հավատում։ Նա առողջ էր, քայլում, ցատկում և փառք էր տալիս Աստծուն։ Նա մեծ ուրախությամբ փառաբանում էր Աստծուն, և դա տեսնելով՝ մյուսներն էլ նույնն էին անում։

Հիսուսն ուզում է քո կյանքում հրաշքներ կատարել, վստահի՛ր Նրան։


Հերոսներ` հեղինակ, տղամարդ, կին, Պետրոս, կաղ մարդ։

© Copyright: CEF Germany

www.WoL-Children.net

Page last modified on March 11, 2020, at 11:57 AM | powered by PmWiki (pmwiki-2.2.109)