STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 138 (An awful accident 1)

This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish? -- Swiss German? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!
Dramastekja fa Kjinja toom väadroagen

138. Een schrakjlichet Onjlekj 1


In de Staut wieren aula oppjeräacht. Doa wia kjeen Lachen ooda Sinjen to hieren. Aula hauden Angst.

Opppausfru: "Hopentlich hieet dee schrakjlicha Kjrich boolt opp."

Fru: "Woat Kjennich Saul dän Fient besiejen?"

Opp de Mua sagen de Wajchtasch daut ieschte daut doa Ranasch kaumen. Dee brochten Norechten von däm Kjrich. Sienem Jesecht wia auntoseenen daut det kjeene goode Norecht wia.

Bote: "De Fient haft onse Lienje derchbroaken. Kjennich Saul un Prinz Jonathan sent doot. Kläft ut! Rat jun Läwen!"

De Menschen kjrieen daut met de Angst to doonen, un veleeten de Staut un randen fuat.

Een schrakjlicha Dach! Gaunz besondasch fa Mefi Boschet. Uk wan hee noch mo fief Joa wia, haud hee aules metjekjräaen. Sien Voda, Prinz Jonathan, wia doot. Hee wudd niemols mea nohus komen, in am en de Oarms nämen. Niemols mea met am met Feil un Boagen scheeten un Jeschichten vetalen. Mefi Boschet hield. Siene Opppausfru sorjd sich om am.

Opppausfru: "Kom, Mefi Boschet, wie motten wajch. Wie doawen kjeene Tiet velieren."

Schwind veleeten see dän Paulaust un dan eset passieet.

Mefi Boschet: "Au! Au, mien Foot!"

Mefi Boscheet fol soo schlem, daut hee nich mea gonen kun. Stal die fäa, derch disen Onfaul wieren am beid Feet jelämt. Daut wia dee trurichsta Dach in sienem Läwen. Iescht storf de Voda. Dan de Flucht un de Onfaul un nu haud hee kjeen Tus mea.

Irjendwanea kaumen de Flichtlinje no Lo-Dabar, daut meent: haft kjeene bediedung, es nuscht wieet. Irejendswie pausst daut to Mefi Boschet. Wiels oppeenmol haud sien Läwen kjeene Bediedung mea. Jewess haft hee jedocht, daut hee nich mea Wietvoll es.

Feelst du die uk maunchet mol soo Wieetlos? Du best in de Klaus nich de Basta, deist nuscht grootet vollbrinjen im Sport un doawäajens denkjst du, dee aundre sent väl bäta un beleewda.

Kaust du Mefi Boschet vestonen? Soo läwd hee väl Joaren in Lo-Dabar.

Dee basta Frint von sienem Voda wia David. Aus hee Kjennich von Israel wia, jinj hee derch däm Paulaust un musst sea nodenkjen.

David: "Ziba, mien Deena, läft iejentlich noch wäa von Saul siene Famielje?"

Ziba: "Jo, Jonathan sien Sän, dee jelämda Mefi Boschet."

David: "Un woo es dee?"

Ziba: "Hee wont in Lo-Dabar."

Waut haft Kjennich David fäa? Daut vetal ekj die im näachsten Spell toom horchen.


Persoonen: "Eena waut vetalen deit, Opppausfru, Bote, Mefi Boschet, David, Ziba

Copyright: CEF Germany

www.WoL-Children.net

Page last modified on August 08, 2023, at 08:02 AM | powered by PmWiki (pmwiki-2.3.3)