Platt - Low German, Dramas: Piece 139 – De Kjennich lot en 2

This page in HTML4 - Print - Bottom

Home -- Platt (Low German) -- Perform a PLAY -- 139 (The King’s invitation 2)

This page in: -- Albanian -- Arabic ? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi ? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam ? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish ? -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!

Dramastekja fa Kjinja toom väadroagen

139. De Kjennich lot en 2

De Woagen vom Kjennich fua derch de Gausen. Fenstagardinen worden tosiedjeschowen. Nieschiarich kjijten de Menschen rut.

Fru: "Kjennichsbooten in Lo Dabar? Daut es waut gaunz besondret!"

Nobaschi: "No wäm wellen dee bloos? Vleicht nom Birjameista?"

See wieren sea äwarauscht aus dee besondra Woagen direkjt ver däm Hus, von Mefi Boschet aunhoolen deed.

Kjennich David haud am enjelot. Mefi Boschet kun daut meist nich jleewen. Hee, de Jelämda, dee waut ema bisied wia kjrieech vom Kjennich eene Enlodung. Daut mot wundaboa jewast senen.

Du motst nich aufjenstich woaren. Du best uk enjelot. Een jerajchta Kjennich, dee ema läft, lot die en. Jesus, de Kjennich äwa aule Kjennichs! Doo daut uk soo aus Mefi Boschet, nem de Enlodung aun, uk wan du nuscht grootet best, un die gauns wieetlos feelst.

De Jelämda wort nom Kjennich jebrocht.

David: "Mefi Boschet, fercht die nich. Ekj well die bloos goodet doonen."

Mefi Boschet: "Ekj hab daut nich vedeent."

David: "Ekj schenkj die Launt. Miene Deena sellen säen un arnten. Aules jehieet die."

Kjennich David haft Mefi Boschet enjelot un groosoatkj beschonken.

Jesus, dee eewja Kjennich, lot die en un well die beschenkjen.

Siene Jeschenkja kaust du nich betolen: Vejäwung, Freid, Fräd, eewjet Läwen...

Ekj kaun goanich aules opptalen. Kom, lot die vendoag von Jesus beschenkjen.

Mefi Boschet es daut niemols schod jewast, daut hee de Enlodung un Jeschenkja aunjenomen haft. Daut scheenste kaum noch.

David: "Mefi Boschet, ekj mucht, daut du ema bie mie blifst."

Krajt soo aus bie Jesus, däm onsechtboaren Kjennich. Hee well die nich bloos aus Gaust aum Sindach, hee well die ema. West du daut uk? Ema met däm Hoaten un met de Jedanken bie am senen?

Jesus well dien Läwen goot rejieren. Eenen bätren Kjennich kjan ekj nich. De Enlodung von Kjennich David haft Mefi Boschet sien Läwen gaunz veändat.

De Enlodung vom Harn Jesus well dien Läwen uk gaunz veändren.

Jesus lot die en, un well die beschenkjen. Hee well, daut du ema bie am best.

Nem dise Enlodung aun. Im Jebäd kaust du am diene Auntwuat sajen. De Kjennich Jesus kaun die hieren.

Persoonen: Eena waut vetalen deit, Fru, Nobaschi, David, Mefi Boschet

This page in HTML4 - Print - Top