Home -- Kyrgyz -- Perform a PLAY -- 139 (The King’s invitation 2)
139. Падышанын чакыруусу 2
Падышанын арабасы Ло-Дебардын көчөсү менен зуулдап келатты. Көчөдөгү терезелер, пардалар ачык эле. Адамдар арабаны таңыркай карап атышты.
Аял: «Падышанын жарчылары Ло-Дебарда. Бул болуп көрбөгөн окуя!»
Кошуна: «Алар кимге келишиптир? Мүмкүн мэрге келип жүрбөсүн?»
Падышанын арабасы көргөндүн баарынын төбө чачын тик тургузуп, так Мепибешет жашаган үйдүн тушуна токтоду.
Аны Дөөт падыша чакырды. Мепибешет ишене алган жок. Аксаган, унутта калган жигитти падыша өзү чакырды! Ал кубангандан абдан толкунданды.
Мепибешетке ичиңер тарыбай эле койсун, балдар. Анткени ар бирибиз Падышадан – түбөлүктүү, падышалардын Падышасы Ыйсадан чакыруу алганбыз! Мепибешет Дөөт падышанын чакыруусун кабыл алгандай, сен Падыша Ыйсанын чакыруусун кабыл ал. Мен эч ким эмесмин деп ойлобо.
Аксак жигитти падышага алып келишти.
Дөөт: «Мепибешет, коркпо! Мен сага ырайым көрсөткүм келет».
Мепибешет: «Мен татыксызмын!»
Дөөт: «Мен сага жер берем. Ал жерде менин кызматчыларым иштешет. Үрөн себет, түшүм жыйнайт. Жер болсо, сеники болот».
Дөөт падыша Мепибешетти чакыртып келди да, ага тартууларды берди.
Түбөлүктүү Падыша Ыйса сени чакырат жана тартууларды бергиси келет!
Анын тартууларына баа жетпейт: кечирим, кубаныч, тынчтык, түбөлүк өмүр… баарын санап бүтө албайсың! Ыйсага кел, Ал сени баталасын.
Мепибешет падышанын чакыруусун кабыл алып, анын ырайымын кабыл алганына эч качан өкүнгөн жок. Бирок андан да сонуну аны алдыда күтүп турган.
Дөөт: «Мепибешет, меникине келип, мени менен жаша!»
Биздин көрүнбөгөн Падышабыз Ыйса сыяктуу. Ал да сен жекшемби күндөрү эле Ага келип койбой, ар күнү Аны менен жашашыңды каалайт. Сен да ушуну каалайсыңбы? Жүрөгүң менен да, акылың менен да Аны менен болууга умтуласыңбы?
Ыйса жашооңду жакшы башкарат. Ыйсадан жакшы падышаны мен билбейм. Дөөт падышанын чакыруусу Мепибешеттин жашоосун толук өзгөрттү. Ыйса Падышанын чакыруусу бүгүн сенин жашооңду толугу менен өзгөртө алат. Ыйса сени чакырат, сага ырайым көрсөткүсү келет. Сенин ар дайым Өзү менен болушуңду каалайт.
Анын чакырыгын кабыл ал. Сен сыйынып, Анын чакыруусуна жооп кылсаң болот. Ал сени угат.
Катышуучулар: Айтып берүүчү, аял, кошуна, Дөөт, Мепибешет
Автордук укук: CEF Germany