STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 082 (The special submarine 2)

This page in: -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- German -- Greek -- Guarani -- Hebrew? -- Hindi -- Indonesian -- Italian -- Korean -- Kyrgyz -- Malayalam? -- PLATT (LOW GERMAN) -- Portuguese -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swiss German? -- Tamil -- Turkish -- Urdu? -- Uzbek

Previous Piece -- Next Piece

DRAMAS -- perform them for other children!
Plays for children to perform

82. Een besondret Schepp unja Wota 2


Junj: "Ekj sie aul nieschierich woo daut met Jona wiedagonen woat."

Mäadche: "Wan hee schneiw jewast wia, haud hee opp Gott jehorcht un wudd nich fa am wajchjerant senen."

Junj: "Naute Kjleeda haud hee dan uk nich jekjräaen."

Gott well raden, doawäajens sull Jona no Ninive gonen.

Daut schiend soo, daut dee wundaboare Reis toenj wia. Wan Gott nich jewast wia. Hee well raden!

Uk Jona. Un doato schekjt dee am een gaunz besondret U-Boot. Een riesichgroota Fesch kaum krajt doa vebie woo Jona one jewullt im Wota unjaducken musst. Un de Fesch veschlukt däm Jona met Hut un Hoa. Dree Doag, un dree Najchte wia Jona im Fesch sienen Buck. Im deepen Mäa wia sien fuatranen fa Gott toenj. Aus hee deep unjen wia, fonk hee aun to bäden.

Jona: "Har, du hast mie im Mäa jeschmäten. Aule Walen jinjen äwa mie. Ekj docht, ekj sie veloaren. Oba du hast mie jerat. Ekj dank die un well doonen waut du mie sachst."

Gott hiet jiedrem. Hee hiet die uk, wan du gaunz aune enj un trurich best. Hee hieed Jona bäden un schekjt däm Fesch no de Kaunt Wota to schwamen un dee onjeweenliche Moltiet uttospieen.

Gott well raden, un doawäajens roopt hee Jona toom tweeden mol.

Gott säd: "Jona, go no dee grote Staut Ninive un do doa prädjen, waut ekj die sajen woa."

Jona jinj. (Schräd un een pienjet han un häa opp de Gausen)

Jona: "Horcht mol häa! Gott haft mie no junt jeschekjt. Noch 40 Doag, dan woat june schmoke Staut een Prellklompen senen. Daut es de Stroft fa june Sinden. Wiels jie sent Liejna, Ehebräakja, un Faulsche Menschen. Gott haft aules jeseenen, jie Merdasch un Deew."

De Menschen vefieren sich aus see dit hieren. Jona siene Prädicht jinj an to Hoaten.

Fru: "Hee haft Rajcht. Wie haben jesindicht. Waut sell wie doonen?"

Kjennijchsboote: "Däm Kjennich sien Oppdrach! Kjeena doaf äten ooda drinkjen. Habt een leet senen äwa june Sinden un roopt Gott aun. Vleicht rat hee ons. Hieet opp Orajchtet to doonen, fanjt een nieet Läwen aun."

Stal die fäa, 120 000 Enwona roopten no Gott. Erwosne un Kjinja. Iend deed daut soo leet, daut see one Gott jeläft hauden.

De Doag vejinjen: 38, 39, 40. Gott deed nich strofen. Hee hied opp de Jebäda un vezeid iend. Es daut nich wundaboa? Aula roopten no Gott un aula worden jerat.

Wan daut doch uk in onse Staut passieren kun. Gott well raden. Die un väl, väl aundre.


Persoonen: Eena waut vetalen deit, twee Kjinja, Jona, Gott, Fru, Kjennichsboote

Copyright: CEF Germany

www.WoL-Children.net

Page last modified on April 29, 2020, at 09:16 AM | powered by PmWiki (pmwiki-2.2.140)