STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 083 (Daniel‘s test 1)

This page in: -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- German -- Greek -- Guarani -- Hebrew? -- Hindi -- Indonesian -- Italian -- Korean -- Kyrgyz -- Malayalam? -- PLATT (LOW GERMAN) -- Portuguese -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swiss German? -- Tamil -- Turkish -- Urdu? -- Uzbek

Previous Piece -- Next Piece

DRAMAS -- perform them for other children!
Plays for children to perform

83. Daniel woat oppe Proow jestalt 1


Dee groota Kjennich Nebukadnezar haud de Staut Jersulaem beloagat un kaum met sienem Häa doa nen. De Loag wia Hoppnungsloos.

Gott leet daut to, daut de Kjennich Jojakim faustjenomen wort. Hee haud de Jetta veieet un dee holpen am nich. De Fient deed dee wietvolle Sachen aula stälen un see deeden uk däm Tempel bestälen.

Kjennich Nebukadnezar: "Aschpenas, ekj well junje Israeliten aus Deena haben. Nem de Stoakje un Jescheiden. Soone waut goot utseenen."

Dusent Kilomeeta mssten de Jefanjne reisen. Daniel in siene Frind wieren uk doabie.

Entlich erriekjten see dee groote Staut Babel. Waut wudden see doa im Kjennich sienen Paulaust beläwen? See mussten sich to aules schekjen waut iend jesajcht wort. See hauden kjeen Rajcht mea. Oba Daniel un siene Frind hauden sich gaunz faust väajenomen, Gott tru to bliewen.

Es daut uk dien Väanämen? Best du am Tru in de School un Tus? Bie Frind un opp däm Footbaulplautz? Gott tru bliewen, daut loont sich.

Fa Daniel in siene Frind kaum boolt dee ieeschte Proow. De Kjennich befool daut de Jefanjne dree Joa utjelieet sullen woaren. See sullen de Babyliona äare Sproak lieren un noch väl aundret studieren. Vom Kjennich sienen Desch kjrien see daut baste Äten oppjedescht.

Daniel: "Hananja, daut kjenn wie onmäalich äten. Dit Äten es jäajen Gott siene Väaschreften."

Hananja: "Meenst du wie kjrieen waut aundret?"

Daniel: "Bitte, wie wellen nich vom Kjennich sienen Desch äten."

Aschpenas: "De Kjennich haft daut soo aunjeordnet. Wan ekj dan met junt eene utnom moak un jie dan schlajchta utseenen aus dee aundre, lat hee mie däm Kopp aufhaken."

Daniel: "Do daut wiens mol tien Doag utproowen. Jef ons Jemüse toom äten un Wota toom drinkjen, un dan kaunst du ons met dee aundre vejlikjen un entscheiden, woo daut wiedagonen saul."

De Opppausa erfeld iend dän Wensch. Un waut doabie rut kaum, beschrift de Bibel soo: No tien Doag sagen Daniel un siene Frind sogoa bäta ut aus aule aundre.

Un nu leet de Oppsechta uk wieda iend Jemüse un Wota oppdeschen.

Daniel bleef faust. Hee bleef Gott tru un daut wort am beloont. No dree Joa deed de Kjennich iend priefen. Un dan wia daut to seenen: Daniel un siene Frind wieren de Baste!

Kjennich Nebukadnezar: "Dise junje Mana sent tien mol kjliekja aus aule jelieede in mienem Rikj. Ekj well daut dee mie deenen."

Oba boolt kaumen see in Läwensjefoa.

Doavon vetal ekj die im näachsten Spell toom horchen.


Persoonen: Eena waut vetalen deit, Nebukadnezar, Daniel, Hananja, Aschpenas

Copyright: CEF Germany

www.WoL-Children.net

Page last modified on April 29, 2020, at 09:22 AM | powered by PmWiki (pmwiki-2.2.140)