STORIES for CHILDREN by Sister Farida

(www.wol-children.net)

Search in "Aymara":

Home -- Aymara -- Perform a PLAY -- 083 (Daniel‘s test 1)

Previous Piece -- Next Piece

DRAMAS -- perform them for other children!
Plays for children to perform

83. Niyaw mä yant’ajj juti 1


Jach’a rey Nabucodonosor jupajj Jerusalén marca muyuntäna uqhamarac ejercitopampi catuntawayi. Ucajja wali t’akhesiñänwa.

Diosajj dejataynaw Rey Joacim ucajj prisionerjam catutäñap. Jupajj take casta diosanacaruw yupaychatayna uca chijinsti janiw ucanacajj yanapcänti. Enemigojj marcan wali yänacapa uqhamarac jacquir Diosan Templops ch’us apsupjjatayna.

Rey Nabucodonosor: “Aspenaz, israelita waynanac sirvientinacjjam munta. Ch’amaninaca, ch’iqhinaca ajllim. Uqhamarac suma uñnakanïpan.”

1000 Km. Presjam sarapjjatayna. Uca taypinjja Danielomp amigonacapampiw chict’atänjja.

Niyaw Babilonia jach’a marcarojj puripjjatayna. ¿Cunas enemigo reyin palaciopanjja suyascpachänjja? Janiw cuna arsuñapas utjcänti. Cuntï ordenäni ucac phokhañapäna. Ucamapisa Daniel amigonacapampejja Diosatac sayt’asiña amtasipjjatayna.

¿Uqhamt jumas sasma? ¿Juparojj escuelamansa uqhamarac utamansa arcapintati? ¿Amigonacamampi uqhamarac futbol canchansa? Tatitur arcañajj ancha walipiniwa.

Daniel amigonacapataquejja niyaw mä yant’ajj juti. Reyijj quimsa mar yatichäwi presonacataquejj waquichatayna. Babilonion arupa yatipjjañapäna uqhamarac juc’ampinaca. Reyin mankañapat suma manka liwapjjäna.

Daniel: “Ananías, janiw ucat manksnati. Aca mankajj naiw Dionat arsutapar phokquiti.”

Ananías: “¿Yakha casta manka jicjjatsnatï?”

Daniel: “Perdont’apjjeta, janiw reyin mankapat mankapquiristi.”

Aspenaz: “Reyiw uc ordeni. Janitï uqham jumanacampi lucäjja ucat uñnacañanacamas t’uqha Jan ch’amani mayninacat sipansa, jiwayiriw qhititani.”

Daniel: “Tunca uru yant’am. Verduranac mankañataqui, uqhamaraqui uma umañataqui churapjjeta. Ucat uñcatapjjetäta ucatsti cuna cast manksa mankapjjäjja jumatäjjaniwa.”

Encargadojja iyaw sawayiwa. Bibliajja cunjamarus tucu aqham siwa:

“Tunca urutsti Daniel uqhamarac amigonacapasa mayninacat sipansa juc’amp c’umaraw uñtasïna uqhamaraqui suma mankt’ata.”

Ucatsti encargadojj verdurampi umampjja liwascaquïnwa.

Danielojj wal sayt’asi. Diosar ajjsaratapatjja cun katokchini. Quimsa maratsti reyijj yant’iwa. ¡Ucatsti Daniel amigonacapampejja mayninacat sipansa take cunanjj juc’amp sumänwa!

Rey Nabucodonosor: “Aca waynanacajja 10 cuti juc’amp ch’iqhinacawa mayni reinojjan yatirinacat sipansa. Nayan sirvirinacäpjjpan.”

Ucampisa mä juc’jjarujj chijinacan jicjjatasini. Ucatjja mayan parlapjjäma.


Uñstirinaca: Parliri, Nabucodonosor, Daniel, Ananías, Aspenaz

© Copyright: CEF Germany

www.WoL-Children.net

Page last modified on February 27, 2019, at 08:15 AM | powered by PmWiki (pmwiki-2.2.109)