Platt - Low German, Dramas: Piece 070 – Daut loont sich

This page in HTML4 - Print - Bottom

Home -- Platt (Low German) -- Perform a PLAY -- 070 (It‘s worth it)

This page in: -- Albanian -- Arabic ? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi ? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam ? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!

Dramastekja fa Kjinja toom väadroagen

70. Daut loont sich

Petrus: "Soo een Ojlekj. Dee gaunze Nacht äwa hab wie jefescht, nich eenen eensjin Fesch jekjräen."

Enttäscht trakjen de Feschasch äare Boote nom Launt. Eene Nacht one daut see waut jefescht haben licht hinja iend. Un doch motten see de Nats foadich un rein moaken.

Oppeemol drenjen sich Menschen aum See Genezareth. Jesus es doa! See wellen am hieren. Daut loont sich ema. Siene Wieeda jäwen Moot un niee Krauft. Doa sent soo väl Menschen, un soo schuwen dee un drenjen rom. Jesus haft äwahaupt kjeenen Rum.

Jesus: "Petrus, lot mie in dien Bott nenkrupen un dan foascht een bät wieda auf von de Kaunt."

Nu kjenen see am aula väl bäta seenen un hieren. Aus hee toenj jeprädicht haud, kjijt hee no Petrus.

Jesus: "Petrus, foa opp däm See rut. Schmiet june Nats rut, doamet jie väl Fesch kjrieen."

Ekj wudd Petrus sien Jesecht jiern jeseenen haben. Nu feschen gonen? Äwadach sent de Fesch doch mea opp däm deepen Grunt wäajens de Hett. Dan kjemt kjeena im Nat nen. Petrus kjant sich doch ut, hee es een Fescha.

Petrus: "Meista, wie haben dee gaunze Nacht jefescht un nuscht jekjräen."

To Jesus kaun maun uk sajen wann wie nich Erfolj jehaut haben.

Petrus: "Oba wiels du daut jesajcht hast, well ekj daut Nat rutschmieten."

Groosoatikj von Petrus. Hee deit sich nich äwakluak. Hee horcht opp Jesus, un daut loont sich. Met dee aundre foat hee dan wada loos, un see schmieten de Nats ut. Daut Wunda passieet dan. See jriepen soo väl Fesch, daut de Nats aunfanjen to verrieten.

Petrus: "Johanes, Jakobus halpt ons! Wie schaufen daut nich auleen."

See wenjen de Frind, un dee twee Boote woaren voll Fesch. Un nu schient daut noch soo, aus wan de Boots noch unjagonen woaren, soo väl Fesch sent daut. Petrus es von Jesus sea bejeistat. Hee woat daut en, daut hee nich to Jesus pausen deit.

Petrus: "Har, go fuat von mie, ekj sie een sindja Mensch."

Toom Jlekj jeit Jesus nich wajch, oba hee vezeit Petrus.

Daut deit hee uk bie die un mie, wan wie am onse Sinden bekjanen.

Jesus: "Petrus, hab kjeene Angst. Von vendoag saust du Menschen feschen."

Eene nie Oabeit. Petrus saul Menschen fa Jesus feschen. Mie kjemt daut soo goot fäa, daut Jesus nich bloos Supermenschen beroopen deit, oba uk soone aus du un ekj, un soone aus Petrus.

Menschen dee opp sien Wuat horchen un dan seenen, daut sich daut loont met am to gonen.

Persoonen: Eena waut vetalen deit, Petrus, Jesus

This page in HTML4 - Print - Top