STORIES for CHILDREN by Sister Farida

(www.wol-children.net)

Search in "Aymara":

Home -- Aymara -- Perform a PLAY -- 070 (It‘s worth it)

Previous Piece -- Next Piece

DRAMAS -- perform them for other children!
Plays for children to perform

70. Jupamp sarnakañajja


Pedro: “¡Janiw suertinïpcti! Pakaraw catupjjta ucatsti mä challwasa.”

Ch’am jiwjtata karjataraqui challw caturinacajj botenacap kota lacaruw apsupjje. Arum pakara jan cunataqui. Ucampisa känacajj t’ajjsiña uqhamarac asquichañaraquiw.

Ucatjja walja jakenacaw Genesaret kota lacana nuqhunakasïna. ¡Jesusaw ucanqui! Jupar isch’uquiñ munapjje, ucajj sumänwa. Arunacapajj chuymachiwa uqhamarac ch’amancharaquiwa. Uca jakenacajja nuqhusipcaquiwa, Jesusajj janiw camponïjjiti.

Jesús: “Pedro, botemar maqhatt’ayita uqhamarac mä juc’ jithikt’ayita.”

Jichhasti takeniw ist’jjapjje uqhamaraqui sum uñj-jjapjjaraqui.

Parlañ tuct’ayasajj, Pedror uñcatiwa:

Jesús: “Pedro, bote mankhäquijja ucarapam. Känac jakontapjjam walja challwa catuñataqui.”

Gustitaspänwa Pedro ajanup uñcataña. ¿Anchhit challw catur saraña? Challwanacajj lupit jaltapjjewa ucat maqharuw mantjjapjje. Mayas känaru mantcaspati. Ucj Pedrojj sum yati, jupajj challw caturïchijjay.

Pedro: “Maestro, pakaraw challw catupjjta mays apsupcti…”

Jesusarojj maynejj confiyaspaw pantatanacapsa.

Pedro: “…ucampisa jumatï sistajja, kän jakontäw…”

Pedron arupajja wali sumaw. Janiw take cun yatir tucquiti. Jesusarojj ist’iwa ucasti wali asquïwa. Mayninacampi botenacaru maqhatapjjewa, chicacamaw sarapjje ucatsti känac jakontapjjewa. Ucat milagrow lurasi. Ancha waljpin challw caturapjje känacapajj ch’iyasirjamäjjanwa.

Pedro: “Juan, Santiago, ¡yanapt’apjjeta! Janiw sapanacataquiquiti.”

Señ lurapjje amigonacapajj jac’achasiñapataqui uqhamatsti pä botpacha phokhantapjjäna. Waljapinïn challwajja niyaw uma mankhar manjjapjje.

Pedrojj musphariw Jesusata. Jupajj Jesusat sipanjja wali mayjänwa.

Pedro: “Tatay, nayat jitektita, nayajj juchararätwa.”

Ucampis Jesusajj janiw jaytquiti, jan ucasti Pedroru perdoniwa.

Pachprac jumamp lurï nayampisa, jisasanacatï juchanacas arsusiñan ucjajja.

Jesús: “Pedro jan ajjsaramti. Jichhat ucsarujja jake caturijjätawa.”

Mä machak oficio. Pedrojj jakenac Jesusatakejj catjjañapänwa, jupar uñt’añapataqui yanapañapänwa uqhamaraqui jacañap Jesusajj yakhär tucuyjjañapataqui.

Wali jach’aw nataquejja Jesusajj janiw wali suma jakenacarut jawsqui, jan ucasti jumjama nayjamaru, Pedrjama. Jakenaca, qhitinacatejja arunacap ist’apjje ucat Jupamp sarnakañajja wali sumatap amuyasjjapjjaraqui.


Uñstirinaca: Parliri, Pedro, Jesús

© Copyright: CEF Germany

www.WoL-Children.net

Page last modified on October 08, 2018, at 12:36 PM | powered by PmWiki (pmwiki-2.2.109)