Home -- Aymara -- Perform a PLAY -- 071 (The cast-your-cares hint)
71. Consejo jan llaquisiñataqui
¿Jan llaquisiñanacas, jan walt’añanacas utjjaspa, janït qhusacaspa?
Niño: “Jan guerranacasa utjjaspa uc nayajj munta.”
Niño: “Accidentenacas, canceranacasa.”
Niña: “Awquinacajj jan jaljjtpanti.”
Niño: “Wawanacajj jan mankat jiwpanti.”
Uqhamäspajja, ¡cunja sumäspasa!
Mä cutinacajja uc munta, ¿jumas uqhamaraquï? Ucampisa aca pachajj utjquipanjja, aca samcajj janiw chekäcaniti.
Ucampisa mä yatiyäwiw jumatac utjitu: ¡mayniw utji, qhititejja janiw llaquisiñanacampi sap jaytcätamti! ¿Cawqhats uc yätjja? Pedrota.
Biblianjja pä cartaw jupat utji ucatsti mayanjj sïwa: “Jesusjjaru llaquisiñanacamjja apjjatapjjam cuna laycutejja jupajj jumaruw imasqui.”
Pedrojj jupa uñjquï ucata parli. Mä urujja suegrapajj wali usutänwa. Wali calenturampi iquiñancascänwa. Janiw cunas camachcänti. Pedrojj esposampejj janiw cun lurañs yatjjänti. Cuna pachatï Jesusajj utapar sarataynajja, llaquisiñapat cuentapjjataynawa:
Pedro: “Jesús, ämpi, yanapt’apjjeta. Esposajjän mamapajja wali usutawa ucata wal llaquisipjjta.”
Jesusajj llaquinacasjja wal uñji, jach’anaca uqhamaraqui jisc’anacsa. Take chuymaw yanapistu.
Bibliaj siwa Jesusajj usut maman iquiñaparuw jac’achsitayna ucat amparut catjjari. Yanapt’iwa sartaña ucaratpachawa calenturajj chhakjje. Mayacwa usujj chhakhatajje ucatstï sumaquïjjänwa. Wañi c’umarajjänwa uqhamajj takenitaqui manks phayjje.
¿Cunas llaquisïytam? Jesusar sama. Jupajj oracionam ist’iwa. Inas jan lakäcchiniti Pedrotacjama. Ucampisa Jesusajj yanapañataquejj janiw khept’caniti inas mä cutinacajja suyañächini. Uqhamächi ucajja, uqhamaw asquïpachajja. Janipin Pedron consejop armasimti:
Pedro: “Jesusjjaru llaquisiñanacamjja apjjatapjjam cuna laycutejja jupajj jumaruw imasqui.”
Uñstirinaca: Parliri, niño, niña, Pedro
© Copyright: CEF Germany