STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 071 (The cast-your-cares hint)

Previous Piece -- Next Piece

DRAMAS -- perform them for other children!
Plays for children to perform

71. Yuyaychay mana phutikunapaj


¿Manachu allin kanman, llakiykuna ch’inkuna manaña kajtinqa?

Niño: "Manaña munanichu ch’ajwakuna guerras nisqa kanantaqa."

Niño: "Arí, nitaj accidentes, nitaj cáncer onqoypis."

Niña: "Ní wajcha kawsaypi kawsajkunapis divorciowan t’aqanakunkumanchu."

Niño: "Nipuni munanichu juch’uy wawakuna yarqhaymanta wañunankutaqa."

Sichu jina kanman chay, ¡ima munay kawsakuy kanman í!

Wakinkuti noqapis ajina kananta munanipuni, ¿qanrí? Jinapis kay jallp’api kawsana kamaqa, chay munasqanchej mana jinachu kanman.

Chaywampi uj sumaj willay qampaj tiyan: ¡Tiyan uj, ni jayk’aj saqesunkichej llakiykunaykitawanqa! ¿maymantataj chayta yachani? Pedromanta.

Arí, Biblia tiyan ikay cartas paymantaqa, chaykunamanta ujnimpitaj nin: "Saqey llakiykunasniykita Jesusman, imaraykuchus Payqa waqaychasojniyki." Nispa.

Pedroqa parlan pay imatachus kawsasqanmantapuni. Uj p’unchay suegra manchay onqosqa kashasqa á, sinch’i k’aja onqoywan puñunampi sirisqa kashasqa. Ni imapis allinyachisqachu, Pedrowan warminqan imataña mana ruwayta atishasqankuchu. Chayllaman Jesús visita chayaykusqa, llakiyninkutataj willasqanku Jesusmanqa:

Pedro: "Jesús, ama jina kaspa, yanapawayku arí. Warmiypa maman sinch’i onqosqa kashan, chaymanta may llakisqa kashayku."

Jesúsqa llakiykunanchejta cheqapuni jap’in, jatumpis, juch’uypis kachun problemanchejqa, yanapawanchejtaj may kusiywan. Bibliapi nisqanman jinaqa, Jesús chay onqosqa warmiman qayllaykuspa, makinmanta aysarisqa. Sayariyta yanapasqa, chayratopachataj q’aja onqoyqa ukhunmanta chinkaripusqa. Manaraj imapi chinkaripusqa mana allin kayqa, paytaj sano kasharqa. Chay jina rato thañiyarqospa mikhunatapis tukuy chaypi kajkunapaj wayk’urqosqa.

¿Imataj qanta llakichishasunki? Jesúswan parlakuy. Payqa uyarinqapuni oraciónniykitaqa, chaychus mana Pedrota jina chayratopacha yanapasunqa, jinapis tukuy sonqo niyki Jesúsqa ni jayk’aj qonqapunchu, wakinkuti suyarichiwanchej chaypis, junt’ampuni. Chayrato imapipis yanapawanchej chayqa, ajina allin kasqanrayku, chanta ni jayk’ajtaj qonqaychu Pedroj sumaj yuyaychayninmantaqa:

Pedro: "Tukuy llakiykunasniykita Jesusman saqey, imaraykuchus Paymin waqaychasojniykeqa."


Personajes: Relator, niño, niña, Pedro

© Copyright: CEF Germany

www.WoL-Children.net

Page last modified on April 20, 2021, at 03:51 PM | powered by PmWiki (pmwiki-2.2.140)