Home -- Kyrgyz -- Perform a PLAY -- 071 (The cast-your-cares hint)
71. Түйшүктөн арылууга кеңеш
Түйшүк, көйгөй деген нерселер жок болсо, кандай жакшы болот эле!
Кыз: «Дүйнөдө согуш болбой эле койсо».
Бала: «Авариялар, рак оорусу жок болсо…»
Кыз: «Ата-энелер ажырашпаса…»
Бала: «Балдар ачка болушпаса деп да каалайм».
Эгер баары ушундай болсо, кандай сонун болмок!
Кээде мен ушул жөнүндө кыялданам. Силер да кыялданасыңарбы, балдар? Тилекке каршы, бул дүйнөдө мындай кыялдар эч качан ишке ашпайт.
Бирок силерге жакшы кабар айтайын: силерди эч качан азапка таштабаган Бирөө бар. Ал - Ыйса! Мен аны кайдан билем дейсиңерби? Петирден.
Библияда Петирдин каттары бар, алардын биринде мындай деп айтылат: «Бардык түйшүктөрүңөрдү Ага тапшыргыла, анткени Ал силер үчүн кам көрөт».
Петир үчүн бул жөн эле сөздөр эмес эле. Ал муну өз башынан кечирген. Бир жолу анын кайын энеси катуу ооруп, төшөккө жатып калат. Ага эч бир дары жардам бербей калган. Петир менен аялынын көңүлү чөктү.
Ыйса алардын үйүнө конокко келгенде, алар Ага бул көйгөйдү айтып беришкен.
Петир: «Ыйса, бизге жардам кыл! Кайын энем катуу ооруп жатат, биз аябай кабатыр болуудабыз».
Ыйса биздин бардык коркунучтарыбызды: чоңун да, кичинесин да билет. Ал бизди түшүнөт жана жардам бергиси келет.
Библияда Ыйса оорулуунун жанына келип, колунан алып, тургузганы жазылат. Ошол замат анын ысытмасы айыгып, өзүн эң жакшы сезип калат. Кубанган ал баарына даамдуу тамак жасап берген.
Силерде да түйшүктөр барбы, балдар? Алар жөнүндө Ыйса менен сүйлөшкүлө. Ал силердин сыйынууңарды угат. Мүмкүн Петирге жардам бергендей дароо жардам бербестир. Бирок, ишенип койгула – Ыйса эч качан кечикпейт, атургай Анын жообун көпкө күтүүгө туура келсе да.
Петирдин жакшы кеңешин эсиңерден чыгарбагыла.
Петир: «Бардык түйшүктөрүңөрдү Ага тапшыргыла, анткени Ал силер үчүн кам көрөт».
Катышуучулар: Айтып берүүчү, кыз, бала, Петир
Автордук укук: CEF Germany