Home -- Fulfulde -- Perform a PLAY -- 070 (It‘s worth it)
70. Hinaa meere
Petruusu : "Ko Tampere honde nii. Men yungike jemma on fow, huunde men nangaali."
E nder ko åe yoomi kon, yungotooåe liýýi ɗin åen no ronki, hiåe pooɗa laana kan ka gaaåe. Jemma mo heåaaki huunde. Kono hiåe faalaa moýýintinde jalaaji ɗin, åe laååina ɗi.
Tun nde wootere, yimåe åen no hawjiri telenma ka maayo wi’eteengo Jaliilu. Annabi Iisaa no ton! Hiåe faalanoo habbaade mo; ɗun no wondani åe e nafa. Konguɗi makko ɗin okkorii mo kala e maååe cuucal e heyɗintinii doole maååe ɗen. Yimåe buy no mooåondiri ɗon. Annabi Iisaa alaano ka o wona ɗon.
Iisaa : "Petruusu, accee mi ýawa ka nder laana maa, woɗɗitoɗaa seeɗa pencen on."
Jooni non yimåe åen fow no faala heɗitagol mo, yi’a mo åuri nii. Åay o lannii waajaade, o fewti e Petruusu.
Iisaa : "Petruusu, jokken baharu on. Bugo jalaaji ɗin ka nder ndiyan. Mahin fii yungagol!"
Sago an mi yi’ayno yeeso Petruusu ngun. Ko jooni non fokkitanten fii yungagol ngol? E nder ñallal ngal, liýýi ɗin no woɗɗitaade lakkere nden ka weendu ndun luggiri ɗon. Liýýi alaa åadaade jalaaji ɗin. Petruusu no anndi ko honɗun o wonnoo haalude fii mun. No woniri woo, hinaa anndiraaɗo fii yungugol liýýi.
Petruusu : "Karamoko’en, e oo jemma feýýuɗo ɗoo fow meɗen yungaade, men heåaali hay lingil."
Hiɗen waawi hollitude annabi Iisaa haajuuji men fogirɗi en ɗin.
Petruusu : "Kono sabu ko maakuɗon kon, mi bugoto jalaaji ɗin."
Kanko Petruusu o waɗii no labiraa ko haanani mo kon. Wi’ugol miɗo anndi fow, tawaaka ton. O heɗike annabi Iisaa, ɗun le no wondi e nafa. O yaari ka baharu on luggiri ɗon wondude e åeya yungotooåe, åe bugii jalaaji maååe ɗin. Kaawake waɗii! Åe nangi liýýi ɗuuɗuɗi, benii jalaaji maååe ɗin fuɗɗii taýude.
Petruusu : "Yuuhanna, Yaaquuba, wallitee lan, menen tun, men gaynataa!"
Åe waɗi hito e wondiååe maååe åen, åe hebbini laakoy koy ɗiɗi fow liýýi. Hakkee ko liýýi ɗin ɗuuɗi, laakoy koy no faalaa yoolaade.
Hakkee ko annabi Iisaa ŋalɗinnoo Petruusu. O tawi himo serti e makko.
Petruusu : "Joomiraaɗo, woɗɗitee lan, sabu min ko mi junuubankeejo."
Hino labaa ko tawi kon kanko annabi Iisaa o woɗɗitaaki Petruusu, kono o yaafanike mo.
O waɗante ɗun an kadi, min kadi men, si hawrii en qirritanike Alla junuubaaji men ɗin.
Iisaa : "Petruusu, wota a hulu, gila jooni a wonay yungotooɗo yimåe."
Ko golle kese nii. Petruusu no haani wonugol jooni yungotooɗo yimåe fii makko kanko annabi Iisaa. Miɗo miijii wondema hino foti ko tawi kon wondema annabi Iisaa wonaa yimåe tedduåe åen tun suåotoo, kono o suåoto kadi yimåe yawitaaåe, wano an e min, nanditayåe e Petruusu, ɗun ko åen heɗitiiåe kongol makko ngol, faalaaåe nafitorde naåidal hakkunde maååe e makko kanko annabi Iisaa.
Yewtooåe : Fillitotooɗo, Petruusu, Iisaa
© Copyright : CEF Allemagne