STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 064 (On the run)

This page in: -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- German -- Greek -- Guarani -- Hebrew? -- Hindi -- Indonesian -- Italian -- Korean -- Kyrgyz -- Malayalam? -- PLATT (LOW GERMAN) -- Portuguese -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swiss German? -- Tamil -- Turkish -- Urdu? -- Uzbek

Previous Piece -- Next Piece

DRAMAS -- perform them for other children!
Plays for children to perform

64. Opp de Flucht


Daut es oba goot, daut du nu tohorchen deist! Hautst du een scheenet Wienachsfast? Väl Menschen opp dee gaunze Welt fieren dit Fast un freien sich, daut Jesus, dee eewja Kjennich jebuaren es.

Eena freid sich nich, donemol ver meist 2000 Joa. Kjennich Herodes. Hee haud Angst, sienen Troon to velieren. Un doawäajens wull hee daut Jesuskjint ombrinjen. Daut haud hee sich fuatz väajenomen aus hee iescht von de Stiernforschasch wisst wua daut to finjen wia.

Oba de Stiernforschasch kaumen nich no Jerusalem trij. Wiels Gott haud iend im Droom jesajcht, waut see doonen sullen.

Gott säd: "Got nich trij nom Kjennich Herodes. Trajt opp eenem aundren Wajch in jun Launt."

Daut deeden see dan uk. Wäa Jesus kjanenjelieet haft, dee deit jiern jehorchen. See reisden dann uk opp eenem aundren Wajch trij no äare Heimat. Un doch wia de Jefoa noch nich vebie. Un dan säd Gott uk Josef im Droom waut hee doonen sull.

Gott säd: "Sto opp! Nem daut Kjint in siene Mutta un doo no Ägypten flichten. Bliew doa soolanj, bat ekj die sajen woa wanea du krijkomen kaunst. Herodes woat daut aulamäachlichste doonen, om daut Kjint dottomoaken."

Josef leewd Gott un deed uk fuatz jehorchen.

Horchst du uk opp am, wan hee die waut sajcht?

Medden en de Nacht stunt Josef opp un flicht met Maria un daut Jesuskjint no Ägypten. Daut haud noch krajt jejlekjt, wiels Herodes wia daut aul lengst enjeworden, daut de Stiernforschasch nich mea trijkaumen. In siene Wut stald hee siene Menschen to waut schrakjlichet aun.

Herodes: "Jie sellen aule kjliene Junges unja twee Joa dootmoaken. Un hee befool daut dit rein fuatz in Betlehem in en dee gaunze Omjäajend utjeeft sull woaren."

Wia Herodes nu aul gaunz äwajeschoten? Daut gauf eene groote Trua aus dit aula passiet. Oba daut Jesuskjint haben see nich jefunjen. Daut kun hee nuscht aundoonen.

Aus Jesus onjefäa dree Joa oolt wia, es dee jehausta Kjennich jestorwen. Een Enjel haft Josef daut im Droom weeten loten.

Gott säd: "Sto opp, nem daut Kjint un siene Mutta un go wada trij no Israel. Aula, dee daut Kjint ombrinjen wullen, sent jestorwen."

Gott brugd Josef niemols tweemol waut sajen. Josef vetrud opp Gott sien Wuat un jehorcht. Met Maria un daut Jesuskjint jinj hee no siene Heimat trij.

Un doa in Israel, in dee kjliene Staut Nazaret, es de Har Jesus oppjewossen. Soo aus Gott daut aul lanj trij verut jesajcht haud.


Persoonen: Eena waut vetalen deit, Gott siene Stemm, Herodes

Copyright: CEF Germany

www.WoL-Children.net

Page last modified on April 28, 2020, at 03:57 PM | powered by PmWiki (pmwiki-2.2.140)