Home -- Guarani -- Perform a PLAY -- 081 (Jonah -1-)
81. Kuimba´e ýpe
Peju, ¡jajapo peteî ko ciudadre!
Mitâkuimba´e: "Techapyrâ, emañami mba´éichapa oî fortificada. Aháta ahecha atalayakuéra."
Mitâkuñá: "Che iporâve aha arandukakuéra atýpe. Ikatu aime heta aravo amooñe´è umi arandukaita."
Mitâkuimba´e: "Mburuvicha róga. Kuimba´e, ¡Aja ikate!"
Mitâakuña: "Che aháta zoológicope."
Mitâkuimba´e: "Kateueténgo revisitase neparientekuérape amoite hyepýpe." (puka)
Heta arýma ojapo Tupâ omañámiva kóva ko távare. Ndohejái ipy´andýi umi fachada iporâporâvare. Ohecha umíva kupépe heta ja´e´ÿ, ñorairô, japu ha jejuka. Opavave oiko Tupâ ndaipóriramoguáicha ni imandamiento. Hesarái hikuái ijapoharégui. Kóva ha´e pe ivaivéva ikatúva ojehu peteî tekovépe.
Tupâ omañaramo ko´âga nderekovére, ¿Mba´e ohecháta? Ha´e ocastigavaerâ pe angaipa; Ha´e ha´epeteî marangatu. Ha katu Tupâ avei ha´e mborayhu, oporosalvaseteve oporocastiga rangue, upévarupi omosarambi heta marandu.
Tupâ he´i: "Jonás, tereho pe táva herakuâ pukuetéva árapýpe hérava Nínivepe. Emomarandu checastigo. Gentekuéra upepegua hesarái chehegui."
Jonás oho – ha katu ndaha´éi Nínivegotyo.
(ñeñani, pytuhê kyta´î) Jonás: "Araka´eve ndahamo´âi Nínivepe. ¿Ñaneretâ enemigokuérape? Ndachetavýiningo. Tou katu Ñandejára castigo, tomanomba, omereceningohikuái. Pe ysyryrembe´ýpe oî peteî barco. Apagaporâta peême Chegueraha mombyryporâhaguâ."
Ha katu Tupâgui ndaikatúi ñakañy.
Jonás oñemombo barco ryepýpe ha kane´ôrenguére oîháicha opyta okete caja ha tamborkuéra pa´ûme. Ojapo pèteî vyrorei. ¿Ikatu oñekañy Tupâgui? Jadipararamojepe arapy opahápeve, ñanderechátantevoi mba´eve´ÿre. Tupâ ohechahína kuri Jonáspe.
Peichaháinte ombeti hesekuéra peteî yvyty atâguasu. Pasahero kuéra oñembo´e ijárape. Ñandejárape ndikuaái umi ojesalvasevaguive. Oity hikuái pe carga ýpe. Ha katu ndoguerúi mba´eve iporâva, pe barco oku´epeteî kuatiaicha, ikatu oñapymi peichaháietente.
Pe capitán ajapyhy ha ombokachavaipa Jonáspe.
Capitán: "¡Hey, epáy! Eñembo´e ndejárape, ikatúmba´e ñandesalva."
Jonás pya´eterei opu´â. Haa upéi opa mba´e hesakâmba.
Marinero: "¿Añetehápe máva nde? ¿Ha moógui reju? ¿Mba´e nerembiapo?"
Jonás: "Che ha´e Jonás. Ñaandejárape añónte amomorâ, ojapova´ekue yvy ha yvága. Che areko ha´e pe kulpavle ko oikova´ekuére; nahêndúi kuri Tupâ ñe´ê."
Marinero: "¿Ha mba´e jajapóta ko´âga?"
Jonás: "Pechemombo ýpe, pehecháta mba´éichapa opytu´u y pochy ha Tupâ pendesalváta."
Iñepyrurâ ndojaposéi hikuái, ha katu uperire ojagarra hikuái Jonáspe ha omombo pe ýpe (tyapu)
¿Péva ipaha? Nahâniri, ko tembihasakue oñepyrûramonte hína.
¿Mba´ére nerehenói jeýi ambue ára pokôindýpe?
Personajes: Relator, niño, niña, Dios, Jonás, capitán, marinero
© Copyright: CEF-Germany