Home -- Albanian -- Perform a PLAY -- 001 (Jesus loves children)
1. Jezusi i do fëmijët
Njëherë princesha suedeze u pyet nga disa vizitorë: "A mund të na tregoni stolitë e kurorës?"
"Sigurisht," iu përgjigj ajo, shkoi tek dera, dhe u kthye me dy fëmijë. I mori të dy fëmijët dhe duke u buzëqeshur të ftuarve, tha: "Këta janë stolitë e mia."
Të ftuarit u habitën pasi prisnin të shihnin diamantë dhe gurë të tjerë të çmuar. Por shpejt e kuptuan që fëmijët për princeshën ishin më të çmuar sesa vetë gurët.
Është e vërtetë, jo të gjithë njerëzit kanë një zemër të madhe për fëmijët.
Por unë njoh dikë që i do fëmijët: Ai është Zoti Jezus.
Bibla na tregon për një kohë kur prindërit i sollën fëmijët e tyre te Jezusi që Ai t'i bekonte dhe që ata të mund ta njihnin. Por përpara se të arrinin te Jezusi, dëgjuan disa zëra të zemëruar.
Dishepujt: "Ku po shkoni? Largohuni! Ikni që këtu!"
Të frikësuar, fëmijët u ndalën. Nuk guxuan të thoshnin asnjë fjalë. Ishin pikërisht dishepujt e Jezusit ata që i qortuan aq ashpër.
Më vjen shumë mirë që historia nuk mbaron me kaq. Jezusi i do fëmijët prandaj edhe ndërhyri menjëherë.
Jezusi: "I lini fëmijët e vegjël të vijnë tek unë dhe mos i pengoni sepse e tyre është mbretëria e Perëndisë."
Jezusi i do fëmijët. Ai i ftoi, që ti besojnë dhe ta njohin Atë. Dhe ata që erdhën ishin…
… djem dhe vajza të moshës sate
… të mirë dhe të këqinj
… të mëdhenj dhe të vegjël
… të zhurmshëm dhe të turpshëm
… të zgjuar dhe jo aq të zgjuar
… vajza dhe djem me ngjyrë të ndryshme të lëkurës
Fëmijët nuk e harruan kurrë ditën kur Jezusi u shoqërua me ta dhe i bekoi.
Jezusi i do fëmijët!
Kjo i lumturoi fëmijët aq shumë sa shkuan dhe u treguan edhe fëmijëve të tjerë për Të.
Dhe gjithmonë kujto se Jezusi të do edhe ty, gjithashtu!
Në Bibël Ai të thotë ty: Kushdo që vjen tek unë nuk do ta largoj kurrë.
Folësit: Autori, dishepujt, Jezusi
© E drejta e autorit: CEF Gjermani