STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 128 (No more thirst) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 821. ہور ترے نہیںشہر دے بہت سارے لوک اوہدے نال سدا نفرت کردے سن۔ سامری عورت: ”اوہ سارےمینوں مینے ماردے نے۔ ایس طرح وکھالدے نے جس طرح اوہناں دی حیاتی دی ہر شے بالکل چنگی اے۔ خیر مینوں پوری اُمید اے پئی جدوں میَں کھوں وچوں پانی لین جاواں گی تے اوتھے کوئی نہیں ہووے گا۔“ (روڑیاں اُتے ٹُرن دی واج) دوپہر دے ۲۱ وجے اوس عورت نے آپنا گھڑا لیا تے شہر وچوں نکلی۔ ایہہ اوہ ویلا سی جدوں سورج بڑی ڈاہڈی گرمی وساندا سی، بڑا مشکل سی پئی راہ وچ اوہنوں کوئی ملے۔ عام طور تے سامریہ شہر دے لوک یا تے صبح کھوں اُتے پانی بھرن جاندے سن یا فیر شام نوں۔ سامری عورت: ”ہیں، اوتھے کوئی بیٹھا اے؟“ یسوع: ”مینوں پین نوں کجھ دے۔“ سامری عورت: ”توں میرے نال کیوں گل کردا پیا ایں؟ توں تے یہودی ایں تے میَں سامری عورت اَں۔“ کیہ اوہ انجان ایہہ نہیں جاندا سی پئی یہودی لوک سامریاں نال نفرت کردے سن کیوں جو اوہ دوجیاں قوماں وچ شادیاں کردے تے بُتاں دی پوجا کردے سن؟ اونج تے اوہ ایہہ جاندا سی پر اوہنے کدی اوہناں نال نفرت نہیں کیتی سی جیہڑے دوجی ذات دے ہوندے سن۔ اوہ ایس طرح دا نہیں سی۔ یسوع دوجیاں نالوں فرق اے۔ یسوع: ”جے توں مینوں جاندی تے توں میرے کولوں منگدی تے میَں تینوں حیاتی دا پانی دیندا۔“ سامری عورت: ” توں پانی کس طرح کڈیں گا؟ کھوں تے بڑا ڈوہنگا اے۔“ یسوع: ”جیہڑا وی ایہہ پانی پیندا اے اوہنوں مُڑ تریہہ لگے گی۔ پر جیہڑا پانی میَں دیندا اَں اوہ سدا دی تریہہ بجھاندا اے۔“ ساڈے دِلاں دیاں خواہشاں وی تریہہ ورگیاں ہوندیاں نے۔ جدوں اوہ پوریاں ہو جاندیاں نے تے فیر نویاں خواہشاں جاگ جاندیاں نے۔ تے ایہو چلدا رہندا اے۔ دل کدی وی نہیں رجدا۔ تریہہ کدی نہیں بجھدی۔ کوئی وڈا تجربہ، کوئی چنگے کم دا انعام، کوئی چنگا بیلی یا کوئی وی دوجی شے ایس تریہہ نوں بجھا نہیں سکدی۔ حیاتی دی ایہہ تریہہ بس اوہ ای بھجا سکدا اے جیہڑا کھوں اُتے بیٹھا سی۔ عورت نوں ایہہ گل سمجھ آ گئی۔ سامری عورت: ”مینوں ایہہ پانی دے دے، تے مینوں مُڑ کدی ایس کھوں دے کول آون دی لوڑ نہیں پوے گی۔“ یسوع: ”جا آپنے بندے نوں لے کے آ۔“ سامری عورت: ”میرا ویاہ نہیں ہویا۔“ یسوع: ”میَں جاندا اَں توں پنج بندیاں نال ویاہ کرچکی ایں۔ تے اوہ بندہ جہدے نال توں ہن رہندی ایں اوہ تیرا بندہ نہیں اے۔“ یسوع اوہدے بارے وچ سب کجھ جاندا سی۔ فیر وی یسوع نے اوہنوں نظر انداز نہ کیتا۔ سامری عورت: ”خدا نے تینوں گھلیا اے۔ میَں جاندی ساں پئی نجات دین والا آوے گا۔“ یسوع: ”میَں ای اَں۔“ یسوع نے اوہدے گناہ معاف کر دِتے تے اوہنوں نوی حیاتی دِتی، خوشیاں نال بھری حیاتی۔ خوشی دے نال اوس عورت نے آپنا گھڑا اوسے تھاں چھڈیا تے دوڑ کے مُڑ شہر ٹُر گئی۔ اوہنے ساریاں نوں دعوت دِتی پئی اوہ یسوع دے کول آون۔ تے میَں تہانوں سدا دیندی اَں۔ یسوع دے کول آﺅ۔ فیر تُسی وی اوہ ای بولو گے جیہڑا سامریہ دے لوکاں نے آکھیا: بچہ: ”ہن میرا ایمان یسوع اُتے وے۔ پر ایس لئی نہیں پئی تُساں ایہہ آکھیا؛ سگوں ایہدے بجائے میَں آپ اوہنوں جان گیا۔“ لوک: بیان کرن والی، سامری عورت، یسوع، بچہ حقوق: بحق سی ای ایف جرمنی محفوظ نے۔ |