STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 129 (Shabola from South Africa) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 921. شبولاساؤتھ افریقہ توں(ہتھوڑے دی واج) پیو: ”شبولا توں ایہہ بڑی چنگی طرح کیتا اے۔“ شبولا: ”میرے نال شرط لا لو ایہدے نال پٹھے مضبوط ہوندے نے۔ آہ! آہ! ایہہ میرا پیر سی۔“ والد: ”ہن تھوں تینوں ہتھوڑا پھڑن دی وی اجازت نہیں ہوئے گی۔ تھوڑا جیہا آرام کر لے تے فیر توں آپنے پیراں اُتے کھلوویں تاں پئی ایہہ جھوگی بنا سکیں۔“ شبولا چھاں وچ بہہ گیا۔ تھوڑی دوروں اوہنوں باندراں دے چیکن دی واج آئی۔ اوہدا پیو جنوبی امریکہ وچ جھوگیاں بناون دا کم کردا رہیا۔ کیہ اوہ ایڈیاں چنگیاں ہون گیاں جِنیاں پینڈ دے وچ مشنری سکول وچ سن؟ پیو: ”شبولا، دوبارہ کم شروع کر دے۔“ اوہنوں آپنے پیو دی مدد کرن وچ مزہ آوندا سی، پر اوہنوں سکول جان وچ ایہدے تھوں وی بہتا مزہ آوندا سی۔ اوہ اگلے دن صبح آپنا بیاں تے مونگ پھلی دے مکھن نال بنیا ناشتہ کر کے سکول جان لئی نکل گیا۔ اوہنوں اَمفندِس پسند سی، ایہہ زمبابوے دی زبان وچ ”اُستانی“ لئی ناں اے۔ سارے بچے اوہنوں پسند کردے سن۔ شبولا نوں آپنی مذہبی کلاس بڑی پسند سی۔ جہدے وچ اوہ کالے گھنگھرو والاں والا نِکا مُنڈا بڑے غور نال سُندا ہوندا سی۔ اُستانی: ”اک نِکی بھیڈ دوڑ کے دُور چلی گئی تے گواچ گئی۔ ایالی نے باقی دیاں بھیڈاں نوں چھڈیا تے اوس گواچی ہوئی بھیڈ نوں لبھن وچ لگ گیا جدوں تیک اوہ ملی نہیں۔ اوہنے اینہوں کنڈیاں والی جھاڑی وچوں کڈھیا تے چُک کے مُڑ گھر لے گیا۔ خداوند یسوع چنگا ایالی اے۔ اوہ آسمان تھوں دھرتی اُتے اُتر آیا تاں پئی گواچے ہویاں نوں لبھ سکے۔“ شبولا: ”اَمفندِس، میَں وی گواچی ہوئی بھیڈ اَں۔ کیہ یسوع مینوں وی لبھدا ہووے گا؟“ اُستانی: ”جی ہاں، اوہ تہانوں وی لبھدا پیا اے کیوں جو اوہ تہانوں پیار کردا اے۔ جدوں تہاڈا اوہدے نال تعلق رکھن تے دل کرے تے تُسی اوہنوں دس سکدے ہو۔“ اک دن شبولا آپنی جماعت وچوں غیب سی۔ اوہ اوس دن آپنے بستر وچوں نکلنا چاہندا سی، پر اوہنوں بڑا ڈاہڈا تاپ چڑھیا سی تے اوہنوں بڑے چکر آوندے پئے سن۔ ماں: ”شبولا، تینوں بڑا ڈاہڈا تاپ اے۔ میَں چڑیلاں دے ڈاکٹر نوں بلاوندی اَں۔“ شبولا (ماڑی واج وچ): ”اوہ میری مدد نہیں کر سکدا۔“ شبولا ڈاہڈا بیمار سی تے بڑی ڈاہڈی مشکل نال گل کردا پیا سی۔ اتوار نوں اوہدی استانی اوہنوں ملن آئی۔ استانی: ”شبولا، توں بڑا بیمار ایں۔ جے ویلا آ پہنچیا ہووے تے کیہ توں مرن لئی تیار ایں؟“ شبولا: ”خداوند یسوع میرا ایالی اے۔ اوہ چھیتی ای مینوں آسمان اُتے لے جاوے گا۔“ شبولا نے آپنیاں اکھاں بند کیتیاں تے فیر دوبارہ اوہناں نوں کدی نہ کھولیا۔ اوہدے جنازے اُتے، اَمفندِس نے چنگے ایالی دی کہانی سنائی۔ اچانک اوہدا پیو نِکے تابوت دے اگے گوڈیاں بھار بہہ گیا تے دعا کیتی۔ پیو: ”خداوند یسوع، ہن شبولا تیرے نال اے۔ اوہ اوتھے بڑی چنگی تھاں اُتے ہووے گا۔ میَں وی تیرے نال تعلق رکھنا چاہندا اَں۔ میرے گناہواں نوں معاف کر دے تے میرا چنگا ایالی بن جا۔ آمین۔ لوک: بیان کرن والی، پیو، ماں، شبولا، اُستانی حقوق: بحق سی ای ایف جرمنی محفوظ نے۔ |