STORIES for CHILDREN by Sister Farida(www.wol-children.net) |
|
|
Home عربي |
Home -- Punjabi -- Perform a PLAY -- 127 (Too late) This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- Platt (Low German) -- Portuguese -- PUNJABI -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish -- Swiss German? -- Tamil -- Turkish -- Ukrainian -- Urdu -- Uzbek
!ڈرامے- ایناں نُوں اپنے بیلیاں لئی ادا کرو 721. بڑی دیر نالاوہ کنڈے اُتے اپڑے تے بیڑی وچوں باہر نکلے۔ آخر کار! یائیر نوں یسوع دی بڑی ڈاہڈی لوڑ سی۔ اوہ بھیِڑ وچ دھکے دیندا ہویا اگے ودھیا تے یسوع دے پیراں وچ ڈگ پیا۔ یائیر: ”میری دھی مردی پئی اے۔ چھیتی میرے نال چل۔ مہربانی نال آپنا ہتھ اوہدے وَل ودھا تاں پئی اوہ بچ جاوے۔“ یسوع اوہدے نال گیا۔ اوہناں چھیتی کرنی سی۔ یسوع کیوں اچانک کھلو گیا؟ یسوع: ”مینوں کنہے چھویااے؟“ بندہ: ”میَں تے نہیں۔ ہر کوئی دھکے دیندا پیا اے۔“ یسوع پیچھے مُڑیا تے اک بی بی وَل ویکھیا جہڑی اوہدے پیچھے کھلوتی کنبدی پئی سی۔ عورت: ”میَں بس تہاڈے چوغے دے کنڈے نوں چھونا چاہندی ساں۔ میَں بارہ ورھیاں تھوں بیمار اَں۔ مینوں کوئی طبیب یا کوئی دوائی چنگا نہیں کر سکی۔ میَں آپنا سارا پیسہ وی لا دِتا اے تاں پئی میَں چنگی ہو سکاں۔ پر جدوں میَں تہاڈی پوشاک نوں چھویا، مینوں اوسے ویلے شفا مل گئی!“ یسوع: ”تیرے ایمان نے تینوں چنگا کیتا اے۔ ڈر ناں!“ ایمان مدد کردا اے! جے تُسی یسوع اُتے ایمان رکھو گے تے تُسی وی ناامید نہیں ہوو گے۔ یافیر تُسی کیہ سوچدے ہو پئی تہاڈے نال کدی ایسا ہو سکدا اے؟ سنیہا دین والا: ”یائیر کِتھے وے؟ یائیر، میرے کول تیرے لئے اک بھیڑی خبر اے: تیری دھی مر گئی اے۔“ اوہ بس بارہ ورھیاں دی سی۔ اوہدا ایمان بالکل مُکن والا سی، جس طرح پئی ہوا وچ موم بتی۔ یسوع: ”ڈرو ناں، سگوں میرے اُتے بھروسہ رکھو!“ یسوع دے اینہاں لفظاں نے اک واری فیر اوہدے ایمان نوں تازہ کر دِتا۔ فیر اوہناں نوں یائیر دا گھر دِسیا۔ کوئی وی اوس گلی دے راہ اُتے ٹُردے ہوئے اوہناں دے رون دی تے چیکن دی واج سن سکدا سی۔ یسوع: ”تُسی کیوں روندے او؟ بچی مری نہیں اے۔“ ہر کسے نے یسوع نوں ٹھٹھے مارے۔ اوہناں ساریاں نے اوہنوں آپنیاں اکھاں نال ویکھیا سی۔ یسوع نے ہر کسے نوں دور گھل دِتا۔ بس اوہدے ماں پیو تے یسوع دے تین خاص دوستاں نوں اجازت سی پئی اوہ اندر آ سکن اوس کمرے وچ جتھے اوہ پئی ہوئی سی۔ اوس کمرے وچ بڑی چپ سی۔ کیہ یائیرنوں یسوع دےا وہ لفظ یاد آئے ہون گے: ”ڈرو ناں، سگوں میرے اُتے بھروسہ رکھو؟“ تے اوس ویلے اوہ ہور سوچ وی کیہ سکدا سی؟ یسوع چل کے اوس مری ہوئی کُڑی دی منجی دے کول گیا تے اوہدا ہتھ پھڑیا۔ یسوع: ”تلیتا کُومی! دھی اُٹھ کھلو!“ ماں پیو نے ویکھیا پئی کس طرح کُڑی نے آپنیاں اکھاں کھولیاں تے منجی اُتوں اُتر کے کھلو گئی۔ یسوع: ”اینہوں کجھ کھان نوں دیو۔“ خداوند نے ایہہ آکھیا اے، اوہ ای اکلا اے جیہڑا بیماراں نوں شفا دے سکدا تے مردیاں نوں جیوندا کر سکدا اے۔ یسوع سب کجھ کر سکدا اے! بس اک شے دے علاوہ: اوہ ایہہ پئی اوہ اوہناں نوں ناامید نہیں کر سکدا جیہڑے اوہدے اُتے بھروسہ کردے نے۔ ایسے کر کے، تہاڈی حیاتی وچ کجھ وی ہووے: ڈرو ناں، سگوں اوہدے اُتے بھروسہ رکھو! لوک: بیان کرن والی، یائیر، یسوع، بندہ، عورت، سنیہا دین والا حقوق: بحق سی ای ایف جرمنی محفوظ نے۔ |