Malagasy, Dramas: Piece 127 – Tara loatra | Waters of Life for Children

Home -- Malagasy -- Perform a PLAY -- 127 (Too late)

This page in: -- Albanian -- Arabic ? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- MALAGASY -- Malayalam ? -- Platt (Low German) -- Portuguese -- Punjabi -- Quechua -- Romanian -- Russian -- Serbian -- Sindhi -- Slovene -- Spanish-AM -- Spanish-ES -- Swedish -- Swiss German ? -- Tamil -- Turkish -- Ukrainian -- Urdu -- Uzbek

Previous Piece -- Next Piece

LALAO – tanteraho miaraka amin’ny ankizy hafa!

Tantara kely holalaovina an-tsehatra

127. Tara loatra

Efa tonga teo amoron-tsiraka izy ireo ka nivoaka ny sambo. Tena nila an'i Jesoa i Jairo tamin'ny farany! Nanosika ny vahoaka izy ary niankohoka teo an-tongotr'i Jesoa.

Jairo: "Efa ho faty ny zanako-vavy, ka mankanesa faingana, miangavy anao aho hametraka ny tananao aminy mba ho sitrana izy."

Nandeha niaraka taminy i Jesoa. Tsy maintsy nandeha haingana izy ireo. Nahoana i Jesoa no nijanona tampoka?

Jesoa: "Iza no nikasika Ahy?"

Lehilahy: "Tsy izaho. Ny olona rehetra eto mifanety be."

Nitodika i Jesoa ka nahita vehivavy iray nangovitra teo ivohony.

Vehivavy: "Te hikasika ny moron-tongotr'akanjonao fotsiny aho, narary nandritra ny roa ambin'ny folo taona aho. Tsy nisy dokotera na fanafody nanampy ahy. Nomeko daholo ny vola voaangona mba hahitako fahasalamana. Fa rehefa nokasihiko ny akanjonao, sitrana avy hatrany aho!"

Jesoa: "Ny finoanao no nahavonjy anao. Aza matahotra ary sitràna amin'ny aretinao."

Manampy ny finoana! Tsy ho diso fanantenana ianao raha mino an'i Jesoa. Misy fotoana ve hoe misalasala ianao?

Iraka: "Aiza i Jairo? Jairo, manana vaovao mampalahelo ho anao aho: maty ny zanakao vavy."

Vao roa ambin'ny folo taona izy. Efa ho faty ny finoan'i Jairo, toy ny afon'ny labozia eny amin'ny rivotra.

Jesoa: "Aza matahotra, minoa fotsiny ihany."

Namelombelona indray ny finoany ireo tenin'i Jesoa ireo. Dia tonga tao an-tranon'i Jairo izy ireo.

Re eny lavitra eny ny fitarainana sy ny fitomanian'ireo misaona.

Jesoa: "Nahoana ianareo no mitomany? Tsy maty ny zaza, fa matory izy."

Naneso an'i Jesoa ny rehetra. Nahita maso ny zavatra rehetra izy ireo. Nandroaka ny olona rehetra Jesoa. Ny ray aman-dreny sy ny namany telo ihany no navelany hiaraka taminy tao amin'ilay efitrano natorian'ilay zazavavy. Nisy fahanginana mafy tao amin'ilay efitrano. Tsaroan'i Jairo ve ny tenin'i Jesoa hoe: "Aza matahotra, minoa fotsiny ihany?" Mbola nisy fanantenana ihany ve?

Nankao amin'ny fandrian'ilay zazavavy kely i Jesoa ary nandray ny tanany.

Jesoa: "Talitha koumi, mitsangàna, hoy Izaho aminao!"

Tsikaritr'ireo ray aman-dreny fa nisokatra ny masony ka niarina avy eo am-pandriany izy.

Jesoa: "Omeo hanina izy."

Izany no nolazain'ny Tompo, Izay manasitrana ny marary sy manangana ny maty.

Afaka manao ny zavatra rehetra Jesoa! Afa-tsy zavatra tokana ihany: Tsy afaka mandiso fanantenana an'izay mino azy Izy.

Noho izany antony izany, amin'ny zavatra rehetra iainanao: aza matahotra, minoa Azy ihany!

Mpitantara anjara: Mpitantara, Jairo, Jesoa, lehilahy, vehivavy, iraka

STORIES for CHILDREN by Sister Farida

127. Tara loatra