STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 168 (All is well with Terry 6)

Previous Piece -- Next Piece

DRAMAS -- perform them for other children!
Plays for children to perform

168. Terry sumaj michejwan kashan 6


Felipewan Rutwanqa puñushasqanku, mana paykuna uyarisqankuchu chay wasipi purejtaqa. Nitaj yachasqankuchu doctorqa tukuy tuta Terrywan qhepakusqantaqa. Chay tutaqa Jesús, Sumaj Michej, jamuspa alliyllawan nipej rikunallanta Terryta makisnimpi masq’ariykukuspa wasinman apakapusqa, janaj pachaman. Rut, Terry wañupusqanta yachaytawanqa, manchayta waqarikusqa. Payqan hermanon Felipewan manaña ujtawampis sumaj kawsaqenkuta rikusqankuchu.

P’ampashajtinkutaj pastor Robinger parlasqa Jesúsmanta, Sumaj Michejmanta. P’ampakusqantawantaj Rutqa imata jina monteman t’ijusqa, manpuni allinchu kasqa Terry wañupusqanqa. Uj jatun sach’a castañas nisqa uraman tiyaykuspa waqarikusqa.

Señor Tanner: "¿Rut, imaraykutaj waqashankiri?"

Don Tanner yuyarikusqa Rutmantaqa, manchay askha ovejakunapuni chay qayllapi mikhojkunaj dueñunku. Ruttaj tukuy imachus chaykama kasqanta willasqa.

Rut: "Chay jinata orarqani, nitaj imapis karqachu, mana kajllata orasqani. Terry wañupumpuni."

Señor Tanner: "¿Yuyankichu Jesús mana uyarisuspa pantasqanta? ¿Imatataj yuyawan sichus noqa uj ovejitata makisniypi mayoicha sumaj pastokuna tiyan chayman, maypichus aswan allin kananta yachaspa apayman chayrí?"

Rutqa chaypi entendeyta qallarin.

Señor Tanner: "Aaa, Jesús Terryta uj cheqaman pusan, maypichus tukuy ima allin kanqa, manañataj imampis nananqachu chayman. Chayrayku ama llakikunaykichu tiyan."

Rut: "¿Chanta imarayku jallp’aman p’ampaykunkuri? ¿imaynapitaj chay Sumaj Michejwan kashanmanrí?"

Don Tanner chaynejmanta uj sach’a mujuta oqharisqapa.

Señor Tanner: "Qhaway kay mujuta Rut, ajinallaqa khiskalla jina mana valorniyoj jina. Jinapis ukhumpi mujito kajpeqa kawsay tiyan. Chaymantataj uj mosoj sach’ita llojsimun.

Atiwaj Terry-j cuerponta kay sach’a mujutawan. Cuerpoqa jallp’api kashan, imaraykuchus manaña necesitanchu; jinapis chejqa kawsayninqa, ukhumpi kawsay kajqa, Jesúswan khuska kashan. Chaypitaj uj mosoj cuerpota jap’in manaña nanajta; chaypi yuyay Rut."

Wasipitaj Felipe riparasqa Rutqa manaña llakisqa kasqanta.

Felipe: "Rut, agradeceyki chay Sumaj Michej Jesusmanta parlawasqaykimanta, kunaqa rejsiniña. Terryqa kunan Paywan khuskaña kashan, noqanchejpis uj p’unchay Paywan ripusunchej."

Rut: "Q’ayapacha escuelaypi wawakunaman willallasajta Sumaj Michej Jesusmantaqa, paykunapis rejsinankupaj."

¿Qanrí? ¿Pikunamanta willayta atinki chay Sumaj Michej Jesusmantarí?


Personajes: Relator, señor Tanner, Rut, Felipe

© Copyright: CEF Germany

www.WoL-Children.net

Page last modified on April 28, 2021, at 04:40 PM | powered by PmWiki (pmwiki-2.2.140)