STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 167 (Super idea, Aunt Margret 5)

Previous Piece -- Next Piece

DRAMAS -- perform them for other children!
Plays for children to perform

167. Tía Margaritaj yuyaynin 5


Rutwan Felipewan atisqankuta regalosta kawsaqenku Terrypaj q’epichakuspa kachaykukusqanku. Kawsaqenku imaynatachus jap’eqanqa chay iskaytaqa, monte ukhullataraj rishaspataj Terry-j mamanwan tinkusqanku, waqashasqataj chay mamaqa. Rutqa sonqochayta munaspa parlayta qallarisqa Sumaj Mchejmanta, payta munakuspa mask’ashasqanta Sumaj Michejmanta nisqa.

Rut: "Noqaykupis ujchhikanta apamuyku (ruido de monedas). Tukuy chaylla tiyapuwayku, chaywan lecheta Terrypaj rantipuyta atinki."

Madre: "Mayta agradeceykichej, may k’achapuni kankichej. Rillaychej, Terry suyashasunkichej." (pasos)

Felipe: "Rut, ¿noqapaj mana phiñakushanki tukuynin qolqeta qosqaymanta?"

Rut: "Imaynata arí, Sumaj Michej Jesúsqa, kawsayninta noqanchejrayku cruzpi wañuspa qosqapis. ¿Imarayku noqanchej sajras kasunmanrí?"

Terryqa kusisqa kasqa regalosta qojtinkoqa. Jinapis aswan desanimasqa kashasqa.

Terry: "Doctor niwan manaña yanapanawanta, wañupuyman noqaqa."

Felipewan Rutwan tapukusqanku, Dioschus mañakusqasninta uyarishan chay, ¿imaraykutaj mana uj milagrota ruwanmanchurí?

Wasinkuman chay ch’isin sonqo p’akisqas kutimpusqanku. Chayaspataj rikusqanku, chayakojkunaj puñukunanku wasi ukhuta manchay llimphucharqosqata, sumaj t’ikancharqosqatataj.

Tía Margarita: "¿Imaynataj kanman Terrywan mamanqan kaypi noqanchejwan qhepakunnkuman chayrí?"

Rut: "¡Waooo! ¡Sumaj pacha, walejpuni chayqa!"

Uj ambulancia Terryta apasqa, chay wasiqa mayta gustasqa. Camaqa ventananejpi kasqa.

Terry: "Kay jina k’achiturí."

Unayta chay wasij perqanta qhawasqa, Jesús Sumaj Michej, makinta jaywasqa chay chinkasqa ovejitata salvanampajqa.

Terry: "Rut, munani uj cuadrota chaypi Jesús salvaspa ovejitata makisnimpi apashajta."

Arí, pastor Robinger ujta chay munasqanta jina apasqa. Uj cuadrota askha ovejasniyojta, Jesústaj purishasqa uj ovejita masq’arisqa.

Terry: "¿Aaa, maymantaj apanrí?"

Pastor: "Wasiman."

Terry: "¿Maypitaj chay wasiri?"

Pastor: "Maypichus Jesús tiuyakun chay. Chaypi mana waqay kanchu, nitaj nanaypis."

Terry: "¿Manachu nanay chaypi tiyan? ¿Chanta tukuychu chayman chayanqanku?"

Pastor: "Tukuy pikunachus Sumaj Michejpata kajkunalla."

Terry: "Noqa paypata kayta munani chanta maypichus kashan chaypitaj."

Terryqa cuadro jap’irisqa orasqa, chanta puñukapusqa. ¿Jinapis imatataj niyta munarqa chay tuta chay wasipi purisqas uyarikusqanrí?

Qhepallampiña willasqayki chaymantaqa.


Personajes: Relator, Felipe, Rut, mamá, Terry, pastor, tía Margarita

© Copyright: CEF Germany

www.WoL-Children.net

Page last modified on April 28, 2021, at 04:36 PM | powered by PmWiki (pmwiki-2.2.140)