STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 167 (Super idea, Aunt Margret 5)

This page in: -- Albanian -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- Fulfulde -- German -- Greek -- Guarani -- Hebrew -- Hindi -- Indonesian -- Italian -- Japanese -- Kazakh -- Korean -- Kyrgyz -- Macedonian -- Malayalam? -- PLATT (LOW GERMAN) -- Portuguese -- Punjabi -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swedish? -- Swiss German? -- Tamil -- Turkish -- Ukrainian -- Urdu -- Uzbek

Previous Piece -- Next Piece

DRAMASTEKJA – doo aundre Kjinja daut väaspälen!
Dramastekja fa Kjinja toom väadroagen

167. Wundaboare Idee, Taunte Margret 5


Ruth un Filipp pakten äare Jeschenkja fa Terry toop, in jinjen loos. Äa kranka Frint wudd Uagen moaken.

Meddel im Woolt bejäajende see Terry siene Mame. See hield. Ruth vesocht däa to treesten un vetald ar von Jesus. Däm gooden Hoad, dee ar siekjen deed, un ar halpen wull, wiels hee ar goot es.

Filipp: "Wie haben junt uk waut metjebrocht. (Aus wan Jelt ruschelt) Daut es aules waut wie haben. Met ditt kjenn jie fa Terry Malkj kjeepen."

Mama: "Välmol dankscheen, jie sent soo goot. Got mo, Terry luat aul no junt." (Schräd)

Filipp: "Ruth, best du mie bosich, wiels ekj aules Jelt wajchjejäft hab?"

Ruth: "Nä. Dee gooda Hoad haft sogoa sien gaunzet Läwen jeopfat, aus hee aum Kjriez storf. Un dan well wie uk nich jiezich senen."

Terry freid sich äwa de Jeschenkja. Un doch wia hee soo mootlos aus noch kjeenmol.

Terry: "De Dokta haft jesajcht, daut hee mie nich mea halpen kaun. Aum leefsten mucht ekj stoawen."

Filipp un Ruth fruagen sich nu doch, aus Gott äare Jebäda nich hieet. Wuarom deed hee kjeen Wunda?

Gaunz bedrekjt kaumen see Zeowens nohus. Taunte Margret deed krajt de Jaststo straum in en ordnung brinjen.

Taunte Margret: "Waut hool jie doavon, wan wie Terry un siene Mame bie ons oppnämen?"

Ruth: "Scheen! Daut es eene goode Idee!"

Een Krankenwoagen brocht Terry no iend. De Sto jefol am. Sien Bad stunt dicht biem Fensta.

Terry: "Wundaschmok es daut."

Dan bekjijd hee daut Bilt aun de Waunt. Jesus dee gooda Hoad, strakjt siene Haunt ut, om een veloarnet Schopkje to raden.

Terry: "Ruth, ekj mucht een Bilt, wua de Hoad daut Schop aul jerat haft un opp däm Oarm drajcht."

Pfarrer Robinger brocht am eent. Opp däm Bilt wieren väl Schop. Jesus rand veropp un druach een Schopkje opp däm Oarm.

Terry: "Wuahan drajcht hee daut?"

Pfarrer: "Nohus."

Terry: "Wua es daut?"

Pfarrer: "Doa wua Jesus wont. Wua daut kjeene Tronen un kjeene Weedoag mea jeft."

Terry: "Kjeene Weedoag? Komen aula doahan?"

Pfarrer: "Aula dee däm gooden Hoad aunjehieren."

Terry: "Ekj much to am jehieren un no am gonen."

Terry deed bäden un hild daut Bilt faust en de Haunt. Dann schleep hee en.

Oba wuarom wieren ene Nacht soo väl Schräd to hieren?

Daut vetal ekj die im näachsten Spell toom horchen.


Persoonen: Eena waut vetalen deit, Filipp, Ruth, Mama, Terry, Pfarrer, Taunte Margret

Copyright: CEF Germany

www.WoL-Children.net

Page last modified on August 08, 2023, at 08:08 AM | powered by PmWiki (pmwiki-2.3.3)