STORIES for CHILDREN by Sister Farida

(www.wol-children.net)

Search in "Aymara":

Home -- Aymara -- Perform a PLAY -- 167 (Super idea, Aunt Margret 5)

Previous Piece -- Next Piece

DRAMAS -- perform them for other children!
Plays for children to perform

167. Wali suma tia margarita 5


Rutemp Felipempejj Terrytac regalonac paquitt’asin sarapjjäna. ¡Cunjamac muspharcan amigopajja! Ch’umi taypen Terryn mamapampiw jiquisipjjatayna. Jachascänwa. Rutejj chuymacht’änwa ucat Suma Awatirit parlatayna thakhascatapa uqhamarac yanapal munäna, cunalaycutejj jupar munasínwa.

Felipe: “Nanacajj mä cuns apanipjjaractwa. (monedanacaw sueni) Ucaquiw utjapjjetu. Ucampejj Terrytac lech alarapismawa.”

Madre: “Yuspagara. Sumanacäpjjtawa. Sarasipcaquim, Terryjj ucancasquiw.”

(sarnakerinaca)

Felipe: “Rut, ¿culiratatat takpach kollk churatajjäta?”

Rut: “Janiwa. Suma Awatir Jesusajja, jacañap apt’asi, cruzan jiwasinjja. ¿Cunats jiwasanacajj mich’äñäni?”

Terryjj regalonacampejj wali cusisitänwa. Ucampis wali ch’am jiwjtatänwa.

Terry: “Doctorajj janiw juc’amp yanapjjerismat situwa. Jiwjjañac munta.”

Felipempe Rutempejj jisc’t’asipjjänwa, Diosajj oracionanacjj ist’pachänt janicha. ¿Cunats jan mä milagr lurpacha?

Wali llaquitäw uca arumajj utan jicjjatasjjapjjäna. Tía Margaritajj visitanac cuarto pichstat, ordent’at c’achacht’at uqham jicjjatjjapjjatayna.

Tía Margarita: “¿Cunjamäspas Terrymp mamapampejj jiwasanacampïjjaspa ucajja?”

Rut: “¡Wali suma! ¡wai suma amuyuw ucajja!”

Mä ambulanciaw Terryrojj apanjjatayna. Cuartojj gustänwa. Iquiñapajj ventanap chicänwa.

Terry: “Wali jiwitaquiwa.”

Perkanquir cuadro wal uñch’uquïna. Jesús Suma Awatirijja amparap chhakhat ovejaruw loktäna.

Terry: “Rut, Jesusajj mä ovejitar catjj-jjatayna ucat amparapar apjjatayna uca cuadr munirista.”

Pastor Robingerajj may apanirapïna. Mä cuadro walja ovejanacani. Ucanjja Jesusajj ovejit icht’ataw sarascäna.

Terry: “¿Cawqharus api?”

Pastor: “Utaruwa.”

Terry: “¿Cawqhanquis ucajja?”

Pastor: “Cawqhantejj Jesusas jacqui. Cawqhantejj jachañajj janiw utjquiti, ni usuñasa.”

Terry: “¿Ucan janit usujj utjqui? ¿Takenit ucar puripjjani?”

Pastor: “Take qhitinacatejj Suma Awatirincqui ucanaca.”

Terry: “Nayajj jupancañ munta jucä ucar saraña.”

Terryjj orataynaw cuadros apt’asita. Ucat icjjatayna. ¿Ucampisa sarnakañanaca utan ist’asina arumajja cunsañs munanä?

Cuentamawa jutirina.


Uñstirinca: Parliri, Felipe, Rut, mamá, pastor, tía Margarita

© Copyright: CEF Germany

www.WoL-Children.net

Page last modified on October 08, 2018, at 02:48 PM | powered by PmWiki (pmwiki-2.2.109)