STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 052 (Without a schedule to Hawaii)

Previous Piece -- Next Piece

DRAMAS -- perform them for other children!
Plays for children to perform

52. Mana brujulawan nisqa Hawaiikama


¿Mayk’ajllapis qan qhawayta yachankichu pata wayrapi phawaykachajkun manchay askhas, sinrulla manchay karusta uj suyumanta uj suyukama phawaykachasqankuta? ¿Manaraj chay jina ch’usariyninkuta yachaytawan kharkarinkumanchu? Sapa wata chay kikin p’unchayllapitaj jina phawajkunamanta: takej p’isqokuna, golondrinas nisqa, cigüeñas chanta waj phawajkuna ima wakichikunku ch’usarinankupaj inti yaykuynej suyukunaman.

¿Pitaj nin kunanqa q’epichakuna tiempo nispa chay phawajkunatarí? Diostata, tuku imata ruwaj, ajinata wakichisqa. Paykunaqa imaynachus rikuchillasqanta junt’anku chayraykutaj kawsayninku jallch’asqa. Wakinkuna phawaj kasqanku 10.000 km chanta kutimunkutaj q’oñi mit’a qallarejtin thapankumanqa. ¿Chaychu mana t’ukuna milagro?

¿Rejsinkichu q’ellu qori jina chorlito nisqa p’isqetuta? Mana rejsinchejchu í, kaypi phichitankata rejsinchej chayman rijch’asqa jina kasqa Alaska llajtapi kawsaj kasqa chay p’isqotuqa. Chaypeqa chhullunkallapuni kaj kasqa, ni jayk’aj chullunchu chhullunkaqa nin. Iskay chunka sojtayoj p’unchaykunamanta thapamanta llojsij kasqanku irpitasqa, paykunaj mikhunankutaj chay chaypi poqoykuna, chanta khurus ima. Paloma chhikan, phurusnintaj qori q’elluwan q’omirau jina chorlito p’isqetu kasqa. Chanta mana t’ijuyta atejchu kasqa, chiri t’impoqa Hawai llajtamanñataj phaqallajtaj kasqanku, chayman chayanankupajtaj 88 phanistapuni mana samarispa chayanankukama phawaj kaqanku chaypi sinch’i chiri mit’ata pasamunankupaj.

Locutor: "Yachaysapakuna científicos nisqakunapajqa chay uj cheqamanta uj cheqaman phawaj p’isqos risqankoqa may pakasqa imapis kanman jina kaj kasqa. Manaraj phawarishaspaqa, manchaytaj wirayaykoj kasqanku, imaynachus kasqankuman uj khuskan jinatawan jina yapaspa. T’ukuriy má chay qanwan kanman chay, imayna kanman. Chay jina phawayninkupi 250.000 kutistapuni lap’aqeyaj kasqa. ¿Ruwawajchu 250.000 kutista flexiones ninku chayta? Sichus chay p’isqokunajta kanman imayna usqaytachus phawasqanku yachanapaj velocímetro nisqa chayqa, kanmancha 51 km por hora ninku jina phawasqankoqa. Chorlito dorado nisqa p’isqetuqa 200g jina pesaj kasqa, chanta sapa phani phawaynimpitaj 0,6% jina wira kayninta tukoj kasqa. Yachayniyojkuna t’ukurisqankuman jinaqa, manaraj chayananman chayashaspa 800 km jina kashajtinña mama qochaman laq’aykukunkuman sayk’usqamanta ninku. Chaywampis mana jinachu, imaraykuchus phawanku askha ukhumanta yanapanakuspa jina, chanta kallpayojkuna ñawpaj puntapi tukuy qhatinankupaj, chay jinamanta kallpanku mana tukukunchu."

Chorlito doradoqa phawan imaynachus Diospa churasqa paykunapaj kasqanman jina. Mana brújula ninku chayllawan, nitaj mayninta rinankupaj mapa nisqatapis apaykachankuchu, phuyu laqhayayta, waj mana allinkuta pasaspa. Mana juch’uymanta Hawai llajtapi kawsaj p’isqetukunapis, uj juch’uy orqetuta tarinku may chhikan mama qocha chawpipi. Manamin kaymanta jinallachu, qhatinku Diospa rikuchisqantaqa, chay Diospa wakichipusqanmanta may agradecesqas takinku takiykunankuta.

¿Manachus noqanchejpi ajianta ruwayta atisunman?

Diospa niwasqanchejkuna maynintachus rinanchejpajqa nisqas Bibliapimin kashana. Pichus qhatejtaj, kusisqa chayan maymanchus chayananmanqa.


Personajes: Relator, locutor

© Copyright: CEF Germany

www.WoL-Children.net

Page last modified on April 15, 2021, at 11:14 AM | powered by PmWiki (pmwiki-2.2.140)