STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 053 (Envy has terrible consequences 1)

Previous Piece -- Next Piece

DRAMAS -- perform them for other children!
Plays for children to perform

53. Chejninakuyqa mana allinta apamun 1


¿Qampata wawqesniyki kanchu? ¿Paykunawan k’achatachu kawsakunki chayri wakinkutipi siminakuy maqanakuykuna kanchu? Maychus kajqa, phiñanakuspapis allinyakuspa watejmanta k’achata ujkunawan kawsakunapuni.

Jinapis Jacobpa wawasnin ukhupi mana chay karqachu. Imayna kawsasqanqa Bibliapi kashan. T’ukuriy má: 12 wawqekunapuni kasqanku chay ayllupeqa, chantapis wakin panakunamanta, kajpuni sinch’i chajwan ninapis jap’ikunman jina, imamantapis maqanakuykuna kajpuni, aswan kurajqa poqoykusqasña karqanku. Unaymantañapuni uj sonqo, uj yuyay kawsakuyqa chay ayllu ukhupi mana kasqachu.

Hermano 1: "Manañapuni rikuyta munanichu. Josellatapuni tatanchej q’ayachashan."

Hermano 2: "Arí, chay p’utiqa tukuy imachus munasqanta ruwan."

Hermano 1: "Noqanchejqa atin mana atin llank’ashanchej, paytataj tatanchej imachus munasqanta ruwarin."

Hermano 2: "Manchay munasqa wawitan á. ¿Rikunkichejchu mosoj p’achata ruwapusqanta?"

Hermano 1: "Noqa ninipuni, tatanchejqa chay p’utita munakun tukuyninchejmanta nisqaqa. Chaytaj mana allinchu."

¡Imanatapuni envidiakorqanku chay wawqesninrí! ¿Mayk’ajllapis qan jinata yuyay chayri parlayta yachankichu jinataqa? Envidia sonqoman yaykun chayqa mana allinkunaman chayachinman. Chayqa uj millay qhora jina, chaypa mujuntaj astawan wiñachin mana allin kayta: celosta, chejnikuyta, maqanakuykunata...

Awan allinqa chay jina kayta sonqonchejpi ripaeaspa Diostatamanta mañakuna, Pay orqhonampaj tukuy mana allin kaykunata sonqonchejpi manaraj allinta thapachakushajtin.

Joséjpa wawqesninqa mana chayta ruwarqankuchu. Chayraykutaj envidiaqa astawan astawan wiñashallarqapuni p’unchaykuna risqanman jina, sullk’anku Josetaqa mayta chejnikuspa, manapis kanmanchu jinalla qhawanku wasinkupipis. Joséj sonqonta nanachisqa jinata ruwasqankoqa, tukuy tiempo burla ruwakusqankupis. Jinapis mana imanayta aterqachu payqa, Tata Dios kallpata qospa yanapasqa chayta soportanampaj. Uj p’unchaytaj Tata Dios mosqoypi parlarqa Josemanqa. Paytaj q’ayantin paqarinpacha wawqesninman willan imatachus mosqosqantaqa:

José: "Mosqokuni granota ruthushasqanchej, chanta q’api q’apista watasharqanchej. Jinallapi noqaj q’api watasqayqa chaypipipuni sayaykorqa, qankunaj q’api q’api watasqaykichejtaj noqajpaman k’umuykusharqanku."

Hermano: "¿Imatataj chaywan niyta munashawaykurí? ¿Kamachiwajniykuchu kayta munashanki?"

José: "Chanta mosqollarqanitaj, intita, killata chanta chunka ujniyoj ch’askakunata ima, chaykunataj noqaman k’umuykamushawarqanku."

Hermano: "Ajá, ch’in kay mosqokudorsito. ¿Pí kasqaykita qan yuyakushankirí?"

Allinsina kanman karqa José mana willanan imatachus Dios mosqoynimpi parlasqantaqa. Imaraykuchus chayratomantapacha wawqenkuna astawan chejnikuyta qallarerqanku. Manaña rikuytapis munaspa wañunallantaña munasharqanku. ¿Riparankichu imanchus envidia chayachiyta atisqanta?

Tatampis chay kutipi k’amirpallasqapuni Josétaqa, aswanqa nipuni qonqayta atisqachu chay mosqoykunataqa. ¿Imatataj niyta munan chay tukuyri?

Qhepallampiña chaymanta astawan sut’inchasqayki.


Personajes: Relator, José, dos hermanos

© Copyright: CEF Germany

www.WoL-Children.net

Page last modified on April 15, 2021, at 11:17 AM | powered by PmWiki (pmwiki-2.2.140)