STORIES for CHILDREN by Sister Farida

(www.wol-children.net)

Search in "Quechua":

Home -- Quechua -- Perform a PLAY -- 028 (The very first Easter)

Previous Piece -- Next Piece

DRAMAS -- perform them for other children!
Plays for children to perform

28. Ñawpaj kaj pascua


¿Ima horastataj kuna sayarirqankirí?

Maríawan amigasninwan tuta tutamantaña sayarisqanku. Jinapis sonqonqa may llakisqa kasharqa. Jesúsllapis kawsakushanman, chaypajwan uj maskha p’unchayña Jesús wañupusqa. Sapa kuti yuyarispaqa, mayta waqasqanku chay warmikunaqa. Chay kutitaj tutamanta jatarispa, Jesús p’ampasqa kasqa chayman waturej risqanku.

Amiga de María: (sorprendida) "¡María, qhawariy, rumiwan tapasqa karqa chay rumi mana kanchu! ¿Iamataj karqarí? Qhaway jaqaypi ¡uj ángel sayashan!"

Ángel: "¡Ama manchachikuychejchu! yachaniña pitachus mask’ashasqaykichejta, Jesusta mask’ashankichej. Manaña kaypichu kashan Mana wañusqañachu, ¡kawsarimunña!"

¡Chayta uyarispa sonqonku t’ikarirqa! Arí, Jesúsqa nisqapuni wañunan kasqanta chanta kinsa p’unchaymantaj kawsarimunanta. ¿Chayta qonqankumanchu karqa?

Ángel: "Jamuychej…, qhawaychej maymanchus ayanta churasqankuta."

Yaykuytawan t’ukuspa qhawasqanku. Tumbaqa ch’usaj kasqa.

Ángel: "¡Usqayta rispa yachachisqasninman willamuychej!"

Kusiywan, manchhariywan jinataj pata patallata llojsisqanku chay tumba ukhumantaqa. Jesús kawsan, risqankuman jinataj Paywan tinkusqanku. Rikusqanku, llankharisqanku, parlasqanku ima Jesuswanqa.

Jesús: "Ama manchikuychejchu, ¡rispa nimuychej ujkunamampis!"

Chaytataj ruwasqanku, may kusiswan sut’inchasqanku Jesús kawsarisqanta.

María: "¡Jesús kawsashan, Jesús kawsashan!"

Amiga de María: "¡Arí, kawsarimun!"

María y amiga: "¡Tumbaqa ch’usajpacha kashan!"

(Poner música) Bibliapi Jesucristo nisunki: Noqa kawsarimuy, kawsaytaj kani; pillapis noqapis creejqa, mañusqapis kachun kawsanqa. ¿Chayta creenkichu? (Juan 11:25 y 26b)

Pascua p’unchaykunamanta yuyarispa, tukuy creejkunaj sutinkupi napaykuspa qanmanta karunchakuyta munani:

¡Señor Jesucristo kawsarimporqa! ¡Arí, cheqamanta kawsarimorqapuni!


Personajes: Relator, María, amiga de María, ángel, Jesús

© Copyright: CEF Germany

www.WoL-Children.net

Page last modified on May 14, 2021, at 06:10 AM | powered by PmWiki (pmwiki-2.2.140)