Home -- Platt (Low German) -- Perform a PLAY -- 028 (The very first Easter)
28. Daut gaunz ieschte Ostafast
Von wanea best du aul oppjestonen?
Maria un äare Freundin sent aul tiedich oppjestonen. Oba äa Hoat es trurijch. Wan Jesus doch noch läwen wudd! Ver een poa Doag es hee aum Kjriez jestorwen. Un wan see doaraun dochten, mussten see hielen.
Aus de Sonn oppjegonen wia, jinjen see nom Grauf.
Freundin: "Maria, kjikj, de Steen es wajch. Doa, een Ejenel!"
Enjel: "Fercht junt nich! Ekj weet, jie doonen Jesus siekjen. Hee es nich hia. Hee läft!"
Nu kaum in iend eene Hopninj! Secha, Jesus haud daut doch jesajcht, daut hee stoawen musst, un daut hee no dree Doag wada oppstonen wudd. Wiesoo hauden see daut bloos vejäten?
Enjel: "Komt häa, kjijt junt de Städ aun wua hee jeläajen haft."
Aule beid kjijden doa nen. Daut Grauf wia ladich.
Enjel: "Got no siene Jinja un sajcht an daut!"
Met groota Freid un uk Forcht im Hoaten veleeten see daut Grauf. Jesus läft!
Un unjawäajes es hee iend bejäajent. See sagen am. See kunen am aunfoten. Hee räd met iend.
Jesus: "Fercht junt nich! Got sajcht dee aundre daut uk!"
Un daut deeden see dan uk wellich.
Maria: "Jesus läft!"
Freundin: "Hee es oppjestonen!"
Maria un Freundin: "Daut Grauf es ladich!"
(Eene Melodie toom Bibelfarsch)
Un en de Bibel sajcht Jesus to die: Ekj sie dee, dee de Doodes oppwakjt un daut Läwen jeft. Wäa aun mie jleeft, woat läwen, wan hee uk stoaft. Jleefst du daut? (Johanes 11,25 un 26b)
Met däm Oostagruss von de Christen well ekj mie Vendoag bie die veaufscheeden.
De Har es oppjestonen! Hee es werklich oppjestonen!
Persoonen: Eena waut vetalen deit, Maria, Marias Freundin, Enjel, Jesus
Copyright: CEF Germany