82. بالکل پہلا ایسٹر

آج آپ کتنی دیر سے جاگ رہے ہیں؟ مریم اور اُس کی سہیلیاں صبح جلدی اُٹھیں۔ لیکن اُن کے دل بہت اُداس تھے۔ یسوع ابھی بھی زندہ ہوتا اگر! کچھ ہی دن ہوئے تھے کہ اُس نے صلیب پر اپنی جان دی تھی۔ جب بھی وہ اِس بارے میں سوچتے، تو روتے۔

وہ صبح کے وقت اُس کی قبر پر گئیں جب سورج نکل رہا تھا۔

سہیلی: ’’مریم، دیکھو! پتھر لڑھکا ہواہے! وہاں ایک فرشتہ ہے!‘‘

فرشتہ: ’’ڈرومت! مَیں جانتا ہوں تم یسوع کو ڈھونڈ رہی ہو۔ وہ یہاں نہیں ہے۔ وہ جی اُٹھا ہے!‘‘

اُمید جاگ اُٹھی! ظاہر ہے! یسوع نے اُنہیں پہلے ہی بتایا تھا کہ وہ اپنی جان دے گا، اور پھر تین دن بعد جی اُٹھے گا۔ وہ یہ کیسے بھول سکتی تھیں؟!

فرشتہ: ’’آؤ اور دیکھو اِس جگہ کو جہاں پر اُنہوں نے یسوع کو لِٹایا تھا۔‘‘

عورتوں نے قبر کے اندر دیکھا – قبر خالی تھی!

فرشتہ: ’’جاؤ اور شاگردوں کو بتاؤ!‘‘

وہ بڑی خوشی اور حیرانی کے ساتھ قبر سے واپس گئیں۔ یسوع زندہ ہے! اور راستے میں وہ اُن سے ملا۔ اُنہوں نے اُسے دیکھا۔ اُنہوں نے اُسے چھووا۔ اُس نے اُن سے بات کی۔

یسوع: ’’ڈرو مت! جاؤ اور جا کر دوسروں کو بھی بتاؤ!‘‘

اور اُنہوں نے جا کر یہی کیا۔

مریم: ’’یسوع زندہ ہے!‘‘

سہیلی: ’’وہ جی اُٹھا ہے!‘‘

مریم اور سہیلی: ’’قبر خالی ہے!‘‘

(پسِ منظر میں ساز بجائیے جب آیت پڑہی جائے)

بائبل میں یسوع آپ کو کہتا ہے: ’’قیامت اور زندگی مَیں ہوں۔ جو مجھ پر ایمان رکھتا ہے وہ مرنے کے بعد بھی زندہ رہے گا۔کیا آپ یہ مانتے ہیں؟‘‘ (یوحنا ۱۱: ۵۲، ۶۲)

مَیں خُدا حافظ کہوں گی اِس جملے کے ساتھ جو کہ مسیحی لوگ ایک دوسرے کو ایسٹر کے دن بولتے ہیں: ’’خُداوند جی اُٹھا ہے! وہ واقعی جی اُٹھا ہے!‘‘

لوگ: بیان کرنے والی، مریم، مریم کی سہیلی، فرشتہ، یسوع

جملہ حقوق محفوظ ہیں: سی ای ایف جرمنی