STORIES for CHILDREN by Sister Farida

(www.wol-children.net)

Search in "Platt":

Home -- Platt (Low German) -- Perform a PLAY -- 132 (Fish and questions at breakfast)

This page in: -- Arabic? -- Armenian -- Aymara -- Azeri -- Bengali -- Bulgarian -- Cebuano -- Chinese -- English -- Farsi? -- French -- German -- Greek -- Guarani -- Hebrew? -- Hindi -- Indonesian -- Italian -- Korean -- Kyrgyz -- Malayalam? -- PLATT (LOW GERMAN) -- Portuguese -- Quechua -- Romanian -- Russian -- Serbian -- Slovene -- Spanish-AM -- Spanish-ES -- Swiss German? -- Tamil -- Turkish -- Urdu? -- Uzbek

Previous Piece -- Next Piece

DRAMAS -- perform them for other children!
Plays for children to perform

132. Fesch un Froagen to Freeschtich


Nu passieed bloos noch gaunz bosich eent nom aundren. Wan daut donemol haud ne Zeitunj jejäft, dan haud Ostren im Joa 33 groote Äwaschreften jemoakt.

Läsa: "Daut wia gaunz sea diesta aun däm Dach aus Jesus storf."

Eene Fru waut läsen deit: "Doodje stunden opp un kaumen no de Staut."

Läsa: "Daut Ieedbäben vebruak Steena."

Eene Fru waut läsen deit: "De Väaschta Komendaut haft daut tojejäft: Jesus wia Gott sien Sän."

Läsa: "Dee latste Wieed von Jesus: Nu es aules foadich jebrocht."

Eene Fru waut läsen deit: "Un gaunz väare bie de Post steit gaunz groot: Daut Grauf es ladich!"

Stunt daut in de "Jerusalem Zeitunj"? Nä, daut sent de Norechte ut de Bibel von dejajne waut daut jeseenen haben, un waut du onbedinjt uk mol läsen sulst.

Daut Grauf es ladich. Jesus läft! Aus hee ut däm Grauf oppjestonen wia jinj hee no siene Jinja.

See wieren noch ema trurich, un hauden Angst. Oba aus see Jesus sagen, freiden see sich sea.

Nohäa veleeten Petrus un dee aundre Jinja Jerusalem un jinjen in äare Heimat aun däm See Genezareth.

Petrus: "Ekj go feschen."

Johanes: "Wie gonen met."

Zeowens fuaren see rut opp däm See. Oba en dise Nacht, kjrien see kjeenen eenschen Fesch. Aus daut dach wort, stunt Jesus aun de Kaunt Wota. De Jinja wissten daut nich, daut hee daut wia.

Jesus: "Hab jie waut toom äten?"

Johanes: "Nä."

Jesus: "Schmiet daut Nat no dee rajchte Sied vom Schepp ut." (Wota)

Petrus: "Daut Nat es voll!"

Johanes: "Daut es Jesus de Har!"

Bloos 100 Meeta auf von de Kaunt Wota kjrieen see sea väl Fesch un trocken 153 Fesch nom Launt.

Jesus: "Komt to Freeschtikj!"

Aun eenem Kolenfia lagen jebrodne Fesch un Broot reed. Dit wia daut dredde mol, daut Jesus nodem hee vom Grof oppjestonen wia, no siene Frind kaum. Petrus haud een schlajchtet Jewesen. Hee docht doaraun, daut hee ver kortem bekaunt jemoakt haud, daut hee Jesus nich kjanen deed. Nom äten naum Jesus am bisied.

Jesus: "Petrus, leefst du mie?"

Petrus: "Jo, Har, du weetst daut ekj die goot sie."

Jesus: "Petrus, leefst du mie?"

Petrus: "Jo, Har, du weetst daut ekj die goot sie."

Jesus: "Petrus, best du mie goot?"

Petrus wort trurich, wiels Jesus am toom dredden mol froagen deed.

Petrus: "Har, du weetst aules, du weetst daut ekj die goot sie."

Es dit uk diene Auntwuat, wan Jesus die wudd vendoag froagen?

Jesus haft Petrus vezeit. Wäm väl vezeit es, dee es Jesus besondasch goot.


Persoonen: Eena waut vetalen deit, Läsa, eene Fru waut läsen deit, Petrus, Johanes, Jesus

Copyright: CEF Germany

www.WoL-Children.net

Page last modified on April 30, 2020, at 09:32 AM | powered by PmWiki (pmwiki-2.2.140)