Home -- Platt (Low German) -- Perform a PLAY -- 117 (Sad Christmas memory 1)
117. Truiji Wienachten 1
Annett dreid sich in äarem Bad opp dee aundre Sied. Dan kaum ar daut oppeenmol im Denkj: Daut es Wienachten. See stund schwind opp.
Annett: "Dani! Dani woo best du?"
Dani: "Kom schwind no de Husdäa, Annett."
Annet: "Waut deist du doa buten, du woascht die vekjillen."
Dani: "Annett, de Wienachsmaun wia doa! Un du hast jesajcht, hee kjemt nich no ons no de Boaj. Oba ekj hab doawäajens doch miene roode Schloren rutjestalt. Sitst mo, hee haft mie waut jebrocht."
Annett sach daut. Een schneewittet Miezkji kuscheld sich in dee wiekje Schlor. Dani druach daut im Hus nen.
Dani: "Ekj woa daut Schneewittkjen nanen. Ekj sie ji soo jlekjlich."
Dani gauf daut woame Malch un Annett sad sich en Grossmame äaren Schokelstool un kjijd am to. Un doabie docht see aun de Wienachten ver fief Joa.
See wie donemol säwen Joa jewast un see durf met de Nobaschi un äaren Sän Lukas no de Kjoakj gonen. Daut wia soo scheen aus see sungen un de Pastor von däm Jesuskjint vetalen deed. Bloos Lukas, waut soone pechschwoate Hoa haud, un jleewd hee musst aules haben, däm kun see nich lieden. Hee prachad no Annett ären Lebkuakenbäa. Oba see gauf am nuscht. Goa nuscht! Dan staupt see derch däm Schnee un jinj nohus. See freid sich opp däm Wienachsowent. Oba aus see daut truije Jesejcht von Papa sach, fefieed see sich.
Annett: "Jeit Mama daut nu schlajchta?"
Papa: "Jo, Annett, see es sea krank See frajcht no die."
Gauns stell jeit Annett no äa Bad. Niemols woat see vejäten, waut de Mame met eene schwake Stemm to ar jesajcht haud:
Mama: "Annett, ekj hab een Jeschenkj fa die. Dien kjlienet Broodakji. Pauss goot no daut opp."
Annett naum daut Baby. Waut haud dit to bedieden? Un nohäa kaum Papa no ar.
Papa: "Annett, diene Mama es nich mea bie ons. See deit im Himmel Wienachten fieren. See wisst daut, daut see stoawen musst un doawäajens haft see die däm kjlienen Dani jejäft."
In Papa siene Oarms haud see dan jehielt, bat see enjeschlopen wia. Dit wia äa trurichstet Wienachsfast.
Annett wia soo met äare Jedanen beschafticht, daut see goanich enjeworden wia, daut Groossmame in de Sto nenjekomen wia.
Dani: "Omi, vetalst du ons vom Himmel?"
Dani gleicht daut sea, wan de Oma von dise wundaboare Städ vetald woo daut kjeene Tronen mea jeft.
Oba in Annette äa Hoat wond noch de Striet met Lukas. Doa wia kjeen Plautz fa Jesus. Un doawäajens wort aules noch väl schlema.
Im näachsten Spell toom horchen jeit dise Jeschicht wieda.
Persoonen: Eena waut vetalen deit, Annette, Dani, Papa, Mama
Copyright: CEF Germany